„Kæru yfirvöld, takið eftir okkur og komið með í að byggja þetta upp!“
Þorvaldur Bjarni Þorvaldsson hefur í nógu að snúast með Sinfóníuhljómsveit Norðurlands. Mynd: Aðsend/Auðunn Níelsson.
Sinfóníuhljómsveit Norðurlands tekur upp tónlist fyrir bandaríska kvikmyndarisa
„Kæru yfirvöld, takið eftir okkur og komið með í að byggja þetta upp!“
- Segir Þorvaldur Bjarni Þorvaldsson, tónlistarstjóri Menningarfélags Akureyrar
Sinfóníuhljómsveit Norðurlands (SN) hefur undanfarin ár róið á mið kvikmyndatónlistar og að sögn Þorvaldar Bjarna Þorvaldsson, tónlistarstjóra Menningarfélags Akureyrar hafa aflabrögð verið með eindæmum góð.
„Já við erum búin að vera á fullu frá fyrstu viku þessa árs. Búin með a.m.k. 10 titla. Þetta eru kvikmyndir, tölvuleikir, sjónvarpsseríur og undirspil fyrir stórhátíðir um allan heim,“ útskýrir Þorvaldur Bjarni í samtali við Vikublaðið.
Eins og Landsmót tónlistarfólks
Um þessar mundir hafa staðið yfir upptökur í Hofi á kvikmyndatónlist fyrir þrjá kvikmyndarisa í Bandaríkjunum. Að verkefnunum núna koma að sögn Þorvaldar Bjarna 100 manns í heila viku en leynd hvílir enn yfir því um hvaða kvikmyndaverkefni er að ræða. „Það eru bókstaflega allir sinfónískir hljóðfæraleikarar sem vettlingi geta valdið á Akureyri núna. Þetta er eins og landsmót tónlistarmanna og stemmarinn eftir því. Svo bætast við tónskáldin og framleiðendurnir sem kjósa að koma norður alla leið frá Bandaríkjunum, Þýskalandi, Ástralíu og London,“ segir hann og bætir við að tónlistarfólk sé áberandi á hótelum bæjarins. „Ef þú labbar óvart inn á hótel á Akureyri þá eru góðar líkur á að þú getir ráðið a.m.k. kammersveit til að leika fyrir þig. Það mundi ekki skorta í neina stöðu.“
Nýr atvinnuvegur
Sinfóníuhljómsveit Norðurlands hefur tekið upp tónlist fjölda kvikmynda og sjónvarpsþátta í Hofi undanfarin ár. Árið 2017 var tekin í notkun ný og fullkomin upptökuaðstaða í Hofi. Við það urðu kaflaskil og óhætt að segja að nýr atvinnuvegur hafi orðið til á Akureyri; framleiðsla á kvikmyndatónlist. Það eru engar ýkjur að SN og Hof sé komið rækilega á kortið í kvikmyndaheiminum:
„Það er augljóst því þessir aðilar eru allir að koma í annað eða þriðja sinn til okkar. En nú fyrst í eigin persónu,“ segir Þorvaldur Bjarni.
Þorvaldur Bjarni og Atli Örvarsson, tónskáld hafa unnið náið saman eftir að þeir fluttu báðir til Akureyrar árin 2014- og 2015. SN tók til að mynda upp tónlist eftir Atla við teiknimyndina Lói - þú flýgur aldrei einn í Hofi árið 2017. Verkefnið var á þeim tíma umfangsmesta tónlistarverkefni sem ráðist hafði verið í á Íslandi.
Biðu ekki boðanna
„Lykillinn að þessu er að þegar við Atli Örvarsson fengum þessa hugmynd stuttu eftir að við fluttum norður, þá biðum við ekkert boðanna; við bara byrjuðum,“ segir Þorvaldur Bjarni og heldur áfram: „Atli tók sénsinn með stóra Hollywood mynd strax í verkefni tvö. Sú mynd varð sú söluhæsta í Bandaríkjunum haustið 2015. Þar var þá SN/SinfoniaNord búin að sanna sig og við komin með flott nafnspjald til að sækja fleiri verkefni. Greta Salóme var með okkur í þessu og tók líka upp hér fyrir Disney. Næst var svo VIKINGS serían, Lord of the Rings Live to film og boltinn aldeilis farinn að rúlla,“ segir hann.
Fjöldi verkefna í burðarliðnum
Þrátt fyrir undarlega tíma heimsfaraldurs er ekki útlit fyrir verkefnaskort hjá SN og tónlistarstjóranum. „Það eru spennandi verkefni framundan. Mynd um pirraðar risaeðlur, einn stærsti tölvuleikur heims í dag, ný sjónvarssería sem Atli er að vinna að með teymi sínu hér á Akureyri og spennandi spennumynd fyrir börn þar sem ég sem tónlistina og veifa sprotanum eins og í söngleiknum Benedikt Búálfur,“ segir Þorvaldur Bjarni og bætir við að þessi starfsemi hafi ómetanlega þýðingu fyrir samfélagið á Akureyri og alla sem taka þátt í starfinu.
„Svo er svona auka hagnaður af þessu öllu saman því það að þetta skuli að vera að gerast hér rétt við Norður heimskautið gerir þetta allt saman miklu exótískara, bæði fyrir okkur sem búum hér og gestina sem kaupa þjónustuna og ferðast þúsund mílur til að vera með okkur. Þetta býr til stolt í brjóstum bæjarbúa og við erum að búa til tekjur fyrir samfélagið í brakandi ferskum nýjum gjaldeyri,“ segir Þorvaldur Bjarni og sendir í leiðinni stjórnvöldum skýr skilaboð inn í kosningabaráttuna. „Kæru yfirvöld, takið eftir okkur og komið með í að byggja þetta upp! Við þurfum bara smá hjálp með kostnað við ferðir listamanna um há vetrartímann og sinfóníski mótorinn mun mala inn í framtíðina.“
Nýjast
-
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára.
Athugasemdir