Jafnrétti til búsetu.
Anna Kolbrún árnadóttir
Sumir kunna að halda því fram að ódýrast sé að setja alla þjónustu hins opinbera niður á einum stað þ.e. á höfuðborgarsvæðinu. En flestir vita nú betur og gera sér grein fyrir því að hagkvæmast er fyrir skattgreiðendur að skattar þeirra renni til þess að skapa fjölbreytt störf og efla þjónustu í heimabyggð. Að þessu sögðu er því mikilvægt að benda á að það er hlutverk stjórnvalda að skapa rammann en núna virðast þau helst vilja drepa niður öll tækifæri sem gefast. Áherslur þeirra einkennast m.a. að óhóflegri skattlagningu og flækjustig skattamála er þvílíkt að ætla mætti að þau hefðu í raun ekki hugmynd um afleiðingarnar. En þær geta verið umtalsverðar og ef tækifærin eru ekki nýtt getur það endað með því að öll þjónusta endar á einum stað og á því svæði sem flestir búa og ég er ekki viss um að það sé óskastaðan.
Öryggi fólks er ógnað.
Stórfelldur niðurskurður hefur orðið á velferðar- og heilbrigðisþjónustu og þá sérstaklega á landsbyggðinni, deildum sjúkrahúsa hefur verið lokað og starfsfólki sagt upp störfum. Hinir sem þó héldu vinnunni finna fyrir auknu álagi. Margir sjúklingar hafa vegna þessa þurft að sækja heilbrigðisþjónustu um allt of langan veg og alvarleg veikindi þola enga bið. Það er hart að þurfa að benda á að þetta snýst um líf eða dauða.
Þetta gerist á sama tíma og uppi er áform um að reisa risavaxna byggingu undir Landsspítala, á sama tíma og fólk getur ekki fengið lögbundna grunnþjónustu í heimabyggð og á sama tíma fást ekki læknar til starfa á landsbyggðinni.
Uppbygging allsstaðar.
Stjórnvöld virðast hafa einsett sér að stuðla að uppbyggingu iðnaðar á suðvesturhorninu. Vera má að það sé gott og blessað en önnur landssvæði mega ekki sitja á hakanum. Verðmætasköpun verður að aukast allsstaðar svo hægt sé að halda uppi þjónustu sem þörf er á í nútíma samfélagi. Landsbyggðin verður að geta nýtt sóknarmöguleika sína. Vel er hægt að halda uppi iðnaði á landsbyggðinni og ekki má gleyma því að hvert svæði hefur sína möguleika sem vel geta nýst ef rétt er staðið að málum.
Tækifærin eru til staðar.
Þetta hangir nefnilega allt saman og tækifærin eru til staðar. Allt sem þarf eru markvissar aðgerðir. Umhverfið verður að vera sem jákvæðast þannig að fyrirtæki sjái sér hag í því að starfa allsstaðar á landinu. Það vitum við sem búum á landsbyggðinni. Hagsmunir eiga að geta farið saman og þar sem fyrirtæki fá möguleika til þess að þrífast er nærri því borðleggjandi að það ýti frekar undir að sú grunnþjónusta sem ætti að vera sjálfsögð verður til hvar sem er á landinu. Fjölskyldur eiga að sjá sér hag í því að búa áfram á þeim stöðum sem þær óska og það er stjórnvalda að sjá til þess að það sé mögulegt. En til þess að það geti orðið að veruleika þarf að taka upp skynsemisstefnu og viðurkenna að íslenskt samfélag er samvinnuverkefni. Hagsmunir allra eiga að geta farið saman þannig að úr verði réttlátt og gott samfélag.
Horfum fram á veginn og nýtum tækifærin.
Anna Kolbrún Árnadóttir,
óskar eftir stuðningi í 2. sæti á lista Framsóknarflokksins í NA kjördæmi
Nýjast
-
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann.
