Ísland verðleggur sig út af kortinu
Sigrún Björk fyrir framan Icelandair hótel á Akureyri.
Sigrún Björk Jakobsdóttir hótelstjóri á Icelandair hótel á Akureyri telur að fyrirhuguð hækkun á virðisaukaskatti á gistingu hér á landi verði rothögg á greinina. Aðgerð af því tagi þýðir einfaldlega að Ísland verðleggur sig út af kortinu, ferðamönnum mun fækka og þar með tekjur ríkissjóðs, segir hún. Miklu hafi verið kostað til að kynna land og þjóð og Ísland sem ákjósanlegan vetraráfangastað. Sú kynning hafi verið sameiginlegt verkefni ríkis og greinarinnar, og mér finnst því skjóta skökku við að loksins þegar hillir undir að einhver árangur náist, þá er þessari hækkun skellt á, en hún mun skila sér beint út í verðlagninguna, segir Sigrún Björk.
Þrátt fyrir að landið sé talið spennandi áfangastaður sé dýrt að ferðast til landsins og dvelja þar og þessi hækkun er því afar slæm fyrir greinina. Ef ferðaþjónustan teldi að hægt væri að hækka verð um 18% þá væri löngu búið að því en við höfum verið að potast í hækkunum á milli 3-5 % á ári undanfarið út af varnaðarorðum þeirra ferðaheildsala sem eru að selja ferðir hingað, segir hún.
Fyrr í sumar birti Hagstofan tölur um gistinætur á hótelum og kom fram að minnst aukning varð á Norðurlandi eða 4% á meðan t.d. aukning á Austurlandi milli júní árið 2011 og sama mánaðar í ár var 19%. Sigrún Björk telur að skýringu þar á sé að finna í auknu framboði gististaða, t.d. hafi 37 herbergi bæst við í júní á Icelandair hótelinu og Backpackers hostelið kom inná markaðinn. Þá hafi fjöldi gistimöguleika í heimagistingu og á gistiheimilum bæst við í fjórðungnum á árinu þannig að ferðafólk hafi dreifst á fleiri staði. Tölur frá Hagstofunni séu bara fyrir hótel og það geti verið að í lok árs þegar teknar eru saman tölur fyrir bæði hótel og gistiheimili að málin horfi eitthvað öðruvísi við.
Nýjast
-
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins.
