Íbúarnir njóta velgengninnar
Grenivík
Ríki og sveitarfélög hækkuðu gjaldskrár og neysluskatta um áramótin, þessar hækkanir skila sér beit út í verðlagið og áhrifa þeirra gætir í verðbólgutölum janúarmánaðar.
Sveitarstjórn Grýtubakkahrepps hefur ákveðið að hækka ekki þjónustugjöld í hreppnum eins og víða annars staðar hefur verið gert. Guðný Sverrisdóttir sveitarstjóri segir að þessi ákvörðun hafi verið tekin í ljósi traustrar fjárhagsstöðu sveitarfélagsins.
Íbúum hreppsins hefur fjölgað, sem þýðir að tekjurnar hafa aukist og sem betur fer hefur atvinnuástandið verið gott. Útsvarstekjurnar voru hærri á síðasta ári en við gerðum ráð fyrir, auk þess sem fjárhagsleg staða okkar er traust. Við gerð fjárhagsáætlunar var því ákveðið að hækka ekki þjónustugjöld á þessu ári, svo sem fasteignagjöld, sorphirðugjald, vistun á leikskóla og svo framvegis. Öll þjónustugjöldin verða sem sagt óbreytt frá fyrra ári.
Hún segir að þessi ákvörðun hafi hlotið jákvæð viðbrögð meðal íbúanna.
Já, það heyrist mér, óbreytt þjónustugjöld koma vonandi öllum til góða. Auðvitað hefðum við ekki verið í vandræðum með að nýta auknar tekjur til góðra verka, en sveitarstjórnin var einhuga um að láta íbúana njóta velgengninnar á undanförnum misserum með þessum hætti. Ég tel að þessi ákvörðun hafi verið skynsamleg.
karleskil@vikudagur.is
Nýjast
-
Heilbrigðiskerfið í bakkgír
Velferðarnefnd hefur haft til umfjöllunar nú í vor frumvarp til laga um breytingar á lögum um sjúkratryggingar. Yfirlýst markmið þessa frumvarps er að stytta þann tíma sem tekur að bjóða upp á nauðsynlega heilbrigðisþjónustu og þar með tiltekna meðferð. Á meðal þeirra breytinga sem lagðar eru til er að fest verði í lög ákvæði um greiðsluþátttöku fyrir læknismeðferð erlendis vegna biðtíma hér á landi. -
SAk tryggt fé til kaupa á heilaörvunartæki
Heilbrigðisráðherra hefur tryggt fjármagn sem gerir Sjúkrahúsinu á Akureyri (SAk) kleift að innleiða heilaörvunarmeðferð einstaklinga með meðferðarþrátt þunglyndi. Áætlað er að á upptökusvæði SAk séu um 240 einstaklingar sem gætu nýtt sér slíka meðferð árlega. Rannsóknir sýna að meðferðin skilar miklum árangri, eða um 60-70% í hópi einstaklinga sem þjást af meðferðarþráu þunglyndi en hafa lítið gagn af hefðbundinni meðferð, s.s. lyfjum og hugrænni atferlismeðferð. -
Framsýn og FSH skrifa undir nýjan kjarasamning
Stjórnendur Framsýnar og Framhaldsskólans á Húsavík hafa undanfarið átt í viðræðum um nýjan stofnanasamning fyrir starfsmenn skólans sem starfa eftir kjarasamningi félagsins. Viðræðurnar gengu mjög vel og kláruðust þær í gærmorgun með undirskrift aðila. -
Akureyri Open í frisbígolfi fór fram um helgina
Um helgina fór fram Gull- og Silfurmótið Akureyri Open í boði Sportver. Mótið var haldið af Frisbígolffélagi Akureyrar og fór fram á frisbígolfvellinum við tjaldstæðið á Hömrum. Keppnin stóð yfir í þrjá daga og tóku 83 keppendur þátt víðsvegar að af landinu. Þrátt fyrir að veðrið hafi ekki verið upp á sitt besta létu keppendur það ekki trufla sig og stemningin var frábær alla helgina. -
Hvers vegna öll þessi leynd? - Breytingar á skipulagi forvarnar- og frístundamála
Það var dularfull stemning í aðdraganda þess að ræða átti trúnaðarmál bæði í fræðslu- og lýðheilsuráði og í bæjarráði þann 22. maí sl. Ekki lá fyrir hvað ætti að ræða og engin gögn voru lögð fram fyrir fundinn. Á fundi bæjarráðs var svo tilkynnt að „ákvörðun hefði verið tekin“ um að leggja niður núverandi skipulag forvarna- og frístundamála hjá Akureyrarbæ. Átti að tilkynna starfsfólki breytingarnar síðar sama dag. -
Tveimur ferskum verkum í Pastel ritröð fagnað í Sigurhæðum
Á fimmtudag 12. júní klukkan fimm verður tveimur splunkunýjum verkum eftir tvo frábæra og ólíka listamenn í Pastel ritröð fagnað í Sigurhæðum á Akureyri. -
Hundakvöld á Listasafninu á Akureyri
Fimmtudaginn 12. júní mun Listasafnið á Akureyri bjóða hunda og eigendur þeirra velkomna á sérstakt hundakvöld. Opið verður frá kl. 19 til 22 og ókeypis inn fyrir eigendur í fylgd hunda -
Íbúum fjölgar á Norðurlandi eystra
Samkvæmt tölum úr Þjóðskrá fjölgaði fólki á Norðurlandi eystra frá 1 des. sl. til 1 júni s.l um 157 manns eða um 0,5%. Þetta er sama fjölgun og var á landsvísu á sama tima. -
atNorth ræður tvo nýja stjórnendur
Gagnavers- og ofurtölvufyrirtækið atNorth hefur ráðið Bjarka Björnsson sem forstöðumann fjármögnunar og fjárstýringar og Axel Valdemar Gunnlaugson í starf forstöðumanns upplýsingatækni.
