Í takt við hraðferð Odds í umdeildu máli
Ólafur Jónsson.
Málið snýst fyrst og síðast um það hversu óvarlega menn ætla að fara með undanþáguákvæði nýrra skipulagslaga þegar andi laganna er klárlega að hafa sem víðtækast samráð við íbúa og góða kynningu á málum, segir Ólafur Jónsson bæjarfulltrúi Sjálfstæðisflokks á Akureyri. Í grein sem Ólafur og Guðmundur B. Guðmundsson bæjarfulltrúi Framsóknarflokks skrifuðu og birtist í Vikudegi nýlega, gagnrýna þeir að bæjarráð hafi samþykkt tvær tillögur að breytingu á aðalskipulagi án þess að senda þær í hefðbundið kynningar- og athugunarferli.
Tillögurnar snúast um götutengingar, annars vegar tengingu væntanlegrar Dalsbrautar við Lundarskóla og íþróttasvæði KA og hins vegar tengingu Bröttusíðu við væntanlega tengingu Borgarbrautar. Þeir Ólafur og Guðmundur telja samþykkt bæjarráðs varðandi þessar tengingar séu ekki í anda skipulagslaga. Oddur Helgi Halldórsson bæjarfulltrúi L-listans og formaður framkvæmdaráðs undraði sig á þessum málflutningi og segir umræddar umferðartengingar hafa verið í skipulagi um langa hríð, um sé að ræða einfaldar breytingar og Ólafur og Guðmundur séu að sá tortryggnisfræjum meðal fólks með málflutningi sínum.
Ég bendi á að í deiliskipulagsferlinu voru uppi tvær innkeyrslur að Lundarskóla og þannig var tillagan kynnt á samráðsfundi með íbúum, en síðan þegar hún fór í auglýsingu var önnur innkeyrslan dottin út. Þegar auglýsing um tillöguna var lögð fram í bæjarstjórn 18. október síðastliðinn vildu fjórir bæjarfulltrúar að deiliskipulagstillagan færi aftur til skipulagsnefndar til umræðu og afgreiðslu til þess að skýra einmitt þetta atriði, segir Ólafur.
Hann segir viðbrögð Odds Helga í takt við þá hraðferð sem hann hafi verið á í umdeildu máli, eftir að hann sveik stórakosningaloforðið um að leggja Dalsbraut í stokk við Lundarskóla.
Nýjast
-
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum. -
Magnaði Mendelssohn
Felix Mendelssohn (Bartholdy) er talinn hafa verð einn mesti tónsnillingur allra tíma. Undrabarn sem á sinni stuttu 38 ára æfi samdi eina fallegustu tónlist veraldar. Jafnvel önnur tónskáld kölluð hann "hinn nýja Bach" m.a. Liszt, Schumann og Berlioz. -
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“.
