Hugmyndir um sjávardýragarð á Akureyri kynntar í bæjarráði
Hreiðar Þór sagði í samtali við Vikudag eftir Atvinnu- og nýsköpunarhelgina, að í Eyjafirði og á Norðurlandi sé mjög merkilegt hafsvæði, sem Akureyringar og fleiri geri sér ekki alveg grein fyrir. "Menn eru svo landrænir hérna en ég hef áhuga á því að beina sjónum manna að hafinu og þess vegna hef ég komið fram með þessa hugmynd um heim norðurhafa. Við erum að tala um sjávardýragarð með áherslu á það lífríki sem er hér nálægt. Það er hægt að ná í mjög áhugaverðar lífverur á þessu svæði en með þessu yrðu einnig aðrar lífverur. Þetta myndi byggja á tvennu, þ.e. skemmtun fyrir heimamenn og sem aðdráttarafl fyrir ferðafólk. Við erum að hugsa þetta í svo stórum skala að þetta geti verið sjálfstætt aðdráttarafl, eins og t.d. er með skíðafólk á veturna. Þarna getur verið um að ræða aukasegul, eitthvað stórt sem á heima hér vegna sérstöðu okkar og eykur lífsánægjuna á svæðinu."
Hreiðar Þór segir að svona garður þurfi 100-200 þúsund ferðamenn á ári til að geta borgað sig. Heppileg staðsetning sé nálægt Pollinum, nálægt miðbænum, á áberandi stað nálægt hringiðu mannlífs, t.d á Oddeyrartanga. Þar er töluvert af auðu svæði og þangað koma skemmtiferðaskipin með alla sína farþega. Hann segir að svona garður þurfi 4-6 þúsund fermetra rými. Í kynningu á verkefninu á Atvinnu- og nýsköpunarhelginni kom fram að byggingarkostnaður gæti verið á bilinu 1-3 milljarðar króna. Í bókun bæjarráðs frá fundinum í morgun, kemur fram að bæjarstjóra hafi verið falið að vinna áfram að málinu.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
