Hugmynd um nýjan kirkjugarð í Naustaborgum velkist árum saman í kerfinu
Smári Sigurðsson forstöðumaður Kirkjugarða Akureyrar/mynd Margrét Þóra
Forsvarmenn Kirkjugarða Akureyrar hvetja til umræðu meðal bæjarbúa um hugmyndir um nýjan grafreit í Naustaborgum. Svæði hér og hvar yrði bútað niður í smærri einingar fyrir grafreiti, en þar færi þá saman útivistarsvæði og grafreitur. Þykir stjórnendum Kirkjugarðanna hægt ganga að koma hugmyndinni á framfæri, bæjaryfirvöld sópi málinu á undan sér og hver meirihlutinn á fætur öðru fresti umræðu og ýti málinu yfir á þann næsta.
Okkur gremst hversu langan tíma þetta mál hefur verið að velkjast um í bæjarkerfinu, án umræðu að því er við best vitum. Fyrst var það lagt fram formlega hjá skipulagsyfirvöldum árið 2007 og enn er vandræðagangur í kringum það. Dapurlegast er samt að enn hefur ekki farið fram nein vönduð umræða um hugmyndir okkar, menn sópa málinu sí og æ á undan sér, segir Smári Sigurðsson forstöðumaður Kirkjugarða Akureyrar. Tveir kirkjugarðar eru á Akureyri, á Naustahöfða og í Lögmannshlíð, en sá fyrrnefndi verður 150 ára í sumar og mun eftir rúman áratug verða fullnýttur.
Í núgildandi aðalskipulagi sem gildir til ársins 2018 er gert ráð fyrir að nýr kirkjugarður verði í norðvesturhluta bæjarins, ofan byggðar yst í Síðuhverfi, sunnan Lónsár. Smári segir að Kirkjugarðar Akureyrar hafi áður en aðalskipulagið var samþykkt sent inn athugasemd við staðsetninguna. Á enn eldra skipulagi var gert ráð fyrir famtíðargrafreit í Lögmannshlíð.
Frá árinu 1997 hefur umræða verið um nýjan kirkjugarð nær þeim sem fyrir er á suðurbrekkunni, m.a. svo hægt sé að samnýta mannvirki og þjónustu sem þar er. Fram kom árið 2007 hugmynd um að staðsetja nýjan kirkjugarð í Naustaborgum, gera þar nokkra minni reit hér og hvar um borgirnar og samnýta útvistarsvæðið og grafreitinn.
Langt ferli
Nú sé hins vegar svo komið að brýnt sé að opna umræðuna, fá fram samræðu í samfélaginu um hvort bæjarbúum hugnist hugmyndin. Við viljum gjarnan að íbúar bæjarins kynni sér hugmyndina og viljum í framhaldinu heyra skoðanir þeirra. Það er að mínu mati brýnt að hefja umræðuna, garðurinn á Naustahöfða fyllist innan nokkurra ára og það getur tekið allt að 7 ár að taka nýjan kirkjugarð í notkun, undirbúningsferlið er langt, segir Smári. Það er því miður áberandi í bæjarkerfinu að málum af þessu tagi sé ýtt á undan sér, þetta þykir ekki brýnt, enda þarf ákvörðun ekki að liggja fyrir á næstu mánuðum. Skipulagsmál eru þó þess eðlis að horfa þarf lengra fram í tímann en til næstu eða þarnæstu viku, líta þarf fram á veginn og það þýðir að mínu mati ekki endalaust að sópa þessu á undan sér og í fang næsta meirihluta.
Nýjast
-
Heilbrigðiskerfið í bakkgír
Velferðarnefnd hefur haft til umfjöllunar nú í vor frumvarp til laga um breytingar á lögum um sjúkratryggingar. Yfirlýst markmið þessa frumvarps er að stytta þann tíma sem tekur að bjóða upp á nauðsynlega heilbrigðisþjónustu og þar með tiltekna meðferð. Á meðal þeirra breytinga sem lagðar eru til er að fest verði í lög ákvæði um greiðsluþátttöku fyrir læknismeðferð erlendis vegna biðtíma hér á landi. -
SAk tryggt fé til kaupa á heilaörvunartæki
Heilbrigðisráðherra hefur tryggt fjármagn sem gerir Sjúkrahúsinu á Akureyri (SAk) kleift að innleiða heilaörvunarmeðferð einstaklinga með meðferðarþrátt þunglyndi. Áætlað er að á upptökusvæði SAk séu um 240 einstaklingar sem gætu nýtt sér slíka meðferð árlega. Rannsóknir sýna að meðferðin skilar miklum árangri, eða um 60-70% í hópi einstaklinga sem þjást af meðferðarþráu þunglyndi en hafa lítið gagn af hefðbundinni meðferð, s.s. lyfjum og hugrænni atferlismeðferð. -
Framsýn og FSH skrifa undir nýjan kjarasamning
Stjórnendur Framsýnar og Framhaldsskólans á Húsavík hafa undanfarið átt í viðræðum um nýjan stofnanasamning fyrir starfsmenn skólans sem starfa eftir kjarasamningi félagsins. Viðræðurnar gengu mjög vel og kláruðust þær í gærmorgun með undirskrift aðila. -
Akureyri Open í frisbígolfi fór fram um helgina
Um helgina fór fram Gull- og Silfurmótið Akureyri Open í boði Sportver. Mótið var haldið af Frisbígolffélagi Akureyrar og fór fram á frisbígolfvellinum við tjaldstæðið á Hömrum. Keppnin stóð yfir í þrjá daga og tóku 83 keppendur þátt víðsvegar að af landinu. Þrátt fyrir að veðrið hafi ekki verið upp á sitt besta létu keppendur það ekki trufla sig og stemningin var frábær alla helgina. -
Hvers vegna öll þessi leynd? - Breytingar á skipulagi forvarnar- og frístundamála
Það var dularfull stemning í aðdraganda þess að ræða átti trúnaðarmál bæði í fræðslu- og lýðheilsuráði og í bæjarráði þann 22. maí sl. Ekki lá fyrir hvað ætti að ræða og engin gögn voru lögð fram fyrir fundinn. Á fundi bæjarráðs var svo tilkynnt að „ákvörðun hefði verið tekin“ um að leggja niður núverandi skipulag forvarna- og frístundamála hjá Akureyrarbæ. Átti að tilkynna starfsfólki breytingarnar síðar sama dag. -
Tveimur ferskum verkum í Pastel ritröð fagnað í Sigurhæðum
Á fimmtudag 12. júní klukkan fimm verður tveimur splunkunýjum verkum eftir tvo frábæra og ólíka listamenn í Pastel ritröð fagnað í Sigurhæðum á Akureyri. -
Hundakvöld á Listasafninu á Akureyri
Fimmtudaginn 12. júní mun Listasafnið á Akureyri bjóða hunda og eigendur þeirra velkomna á sérstakt hundakvöld. Opið verður frá kl. 19 til 22 og ókeypis inn fyrir eigendur í fylgd hunda -
Íbúum fjölgar á Norðurlandi eystra
Samkvæmt tölum úr Þjóðskrá fjölgaði fólki á Norðurlandi eystra frá 1 des. sl. til 1 júni s.l um 157 manns eða um 0,5%. Þetta er sama fjölgun og var á landsvísu á sama tima. -
atNorth ræður tvo nýja stjórnendur
Gagnavers- og ofurtölvufyrirtækið atNorth hefur ráðið Bjarka Björnsson sem forstöðumann fjármögnunar og fjárstýringar og Axel Valdemar Gunnlaugson í starf forstöðumanns upplýsingatækni.
