Horfur í byggingariðnaði ekki góðar fyrir veturinn
Nokkrum stórum framkvæmdum í byggingaiðnaði er nú lokið, þar má nefna að um liðna helgi voru tvö hús tekin í notkun, nýbygging Háskólans á Akureyri og Menningarhúsið Hof, þá er framkvæmdum einnig lokið við nýbyggingu Verkmenntaskólans á Akureyri sem og við fimleikahús við Giljaskóla.
„Það eru engin stór verkefni af þessu tagi í gangi núna eða föst í hendi, en hins vegar eru margar hugmyndir í gangi sem síðar kemur í ljós hvort verði að veruleika," segir Heimir. Meðal verkefna sem gætu komið til á næstunni er bygging hjúkrunarheimilis á Akureyri, en styrr hefur staðið um staðsetningu þess og segir Heimir að framkvæmdir við það muni aldrei hefjast fyrr en á næsta ári. Þá nefnir hann að nýlega hafi gamli Iðnskólinn við Þingvallastræti verið seldur og þó ekki hafi verið gefið upp um hvaða hlutverki hann muni þjóna megi leiða að því líkum að þar verði sett upp gistirými sem þá myndi kalla á framkvæmdir við breytingar innandyra.
Heimir nefnir einnig að til hafi staðið að hefjast handa við að gera Hótel Akureyri við Hafnarstræti upp og vonar að það komi til framkvæmda. Þá hafi menn rætt um nauðsyn þess að stækka flugstöðina á Akureyri en um pólitískt mál væri að ræða og ekki á vísan að róa í þeim efnum.
„Það eru alls konar hugmyndir í gangi, en óvissan er enn til staðar. Verktakar bíða margir átekta, enda sjá margir þeirra ekki til lands gagnvart sínum bönkum. Hins vegar eru líka verktakar sem hafa farið af stað með verkefni þrátt fyrir þá óvissu sem ríkir," segir Heimir og nefnir að Hyrna sé nú að byggja 5 fjögurra íbúða hús í Naustahverfi og SS-Byggir fjölbýlishús í Glerárhverfi. Hann segir einnig að mikil og góð viðbrögð hafi verið við verkefninu Allir vinna og greinilegt að bæði húseigendur og fyrirtæki hafi hug á að nýta sér endurgreiðslu á virðisaukaskatti og skattaafslátt, hefji menn endurbætur eða breytingar á húsnæði.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.