Heitt vatn ódýrara á Akureyri en í Reykjavík
Helgi Jóhannesson forstjóri Norðurorku
Framkvæmdir á vegum Norðurorku verða miklar á þessu ári, en alls er gert ráð fyrir að verja 690 milljónum króna til framkvæmda. Tvö verkefni eru þar fyrirferðamest, metangasstöð við Súluveg og miðlunartankur vatnsveitu í Torfdal.
Rekstur Norðurorku gengur vel, fyrirtækið stendur traustum fótum og góð afkoma skilar sér til viðskiptavina fyrirtækisins. Helgi Jóhannesson forstjóri segir að umtalsverður árangur hafi náðst í rekstri fyrirtækisins á liðnum árum sem endurspeglist í verðskrá fyrirtæksins. Verð raforkudreifingar stendur í stað á milli ára og er nú eitt það lægsta á landinu. Mikil raunverðslækkun hefur einnig orðið á heita vatninu og reyndar einnig í krónum talið miðað við það sem það fór hæst í byrjun tíunda áratugs síðustu aldar. Hækkun nú um áramótin er 2,4% eða um tveggja krónu hækkun á rúmmetra og því aðeins hluti af vísitöluhækkun milli ára.
Það hefði í eina tíð þótt tíðindum sæta að Akureyringar greiði lægra verð fyrir heitt vatn en Reykvíkingar. Þegar hitaveitan norðan heiða var í hvað mestum ólgusjó urðu stundum verðbreytingar oft á ári, segir Helgi.
Heitt vatn á Arnarnesi happafengur
Það var mikið lán fyrir Norðurorku þegar vatn kom upp við boranir við Hjalteyri árið 2003 og svæðið virkjað í framhaldi af því. Er því óhætt að segja að þetta hafi verið mikill happafengur fyrir Eyfirðinga,
Það er mikilvægt byggðamál að hafa yfir að ráða nægu heitu vatni á góðu verði sem og ódýra raforkudreifingu líkt og við búum við, enda skiptirþað sköpum fyrir samkeppnishæfni svæðisins, segir Helgi.
Nýjast
-
Hundakvöld á Listasafninu á Akureyri
Fimmtudaginn 12. júní mun Listasafnið á Akureyri bjóða hunda og eigendur þeirra velkomna á sérstakt hundakvöld. Opið verður frá kl. 19 til 22 og ókeypis inn fyrir eigendur í fylgd hunda -
Íbúum fjölgar á Norðurlandi eystra
Samkvæmt tölum úr Þjóðskrá fjölgaði fólki á Norðurlandi eystra frá 1 des. sl. til 1 júni s.l um 157 manns eða um 0,5%. Þetta er sama fjölgun og var á landsvísu á sama tima. -
atNorth ræður tvo nýja stjórnendur
Gagnavers- og ofurtölvufyrirtækið atNorth hefur ráðið Bjarka Björnsson sem forstöðumann fjármögnunar og fjárstýringar og Axel Valdemar Gunnlaugson í starf forstöðumanns upplýsingatækni. -
Litaboltavöllur á tjaldsvæðinu
Skipulagsráð Akureyrar hefur tekið jákvætt í erindi frá Skúla Lórenz Tryggvasyni sem óskaði eftir svæði til að setja upp litaboltavöll (e. paintball). -
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna.
