Hækkanir geta torveldað kjaraviðræður
Björn Snæbjörnsson/mynd Karl Eskil
Þessar hækkanir hjá ríki og sveitarfélögum rýra eðlilega kaupmátt heimilanna, það segir sig sjálft. Þær skila sér beint út í verðlagið, segir Björn Snæbjörnsson formaður Einingar- Iðju um hækkanir á gjaldskrám og neyslusköttum í upphafi ársins.
Kjarasamningar voru framlengdir í síðustu viku, almennir kauptaxtar hækka á morgun um 11.000 krónur á mánuði að lágmarki. Björn segir að hækkanir á gjaldskrám hins opinbera séu verðbólguhvetjandi.
Öflugt verðlagseftirlit
Okkar svar verður að halda úti öflugu verðlagseftirliti og upplýsa fólk um stöðu og þróun mála. Þannig verður vonandi hægt að koma í veg fyrir enn frekari hækkanir. Ég segi ekki að hækkun launa á morgun étist strax upp, en þær rýrna vissulega.
1. mars
Já, já, þennan dag hækka vörugjöld á sykraðar matvörur, sú hækkun skilar sér út í verðlagið fljótlega og við bætist að virðisaukaskattur á gistiþjónustu hækkar síðar á árinu. Þessar hækkanir auka verðbólguna með tilheyrandi afleiðingum.
Rætt við félagsmenn
Samningar renna út 30. nóvember og við hjá Einingu-Iðju ætlum að vera klár með kröfugerðina fyrir sumarið. Núna tekur við að undirbúa almenna fundi og heyra hvað hinn almenni félagsmaður vill gera. Ef hækkanir verða tíðar á næstu vikum og mánuðum verða viðræðurnar um nýjan kjarasamning erfiðari. Það segir sig sjálft.
Grenivík til fyrirmyndar
Sveitarstjórn Grýtubakkahrepps hefur ákveðið að hækka ekki þjónustugjöld á þessu ári. Hreppurinn er fjárhagslega vel settur og þessi ákvörðun er til fyrirmyndar. Vissulega eru ekki öll sveitarfélög í þessari stöðu, en þau eru þó einhver. Það er nauðsynlegt að allir sameinist um að halda verðbólgunni niðri, sem er okkar helsti óvinur, sagði Björn Snæbjörnsson í morgun.
karleskil@vikudagur.is
Nýjast
-
Heilbrigðiskerfið í bakkgír
Velferðarnefnd hefur haft til umfjöllunar nú í vor frumvarp til laga um breytingar á lögum um sjúkratryggingar. Yfirlýst markmið þessa frumvarps er að stytta þann tíma sem tekur að bjóða upp á nauðsynlega heilbrigðisþjónustu og þar með tiltekna meðferð. Á meðal þeirra breytinga sem lagðar eru til er að fest verði í lög ákvæði um greiðsluþátttöku fyrir læknismeðferð erlendis vegna biðtíma hér á landi. -
SAk tryggt fé til kaupa á heilaörvunartæki
Heilbrigðisráðherra hefur tryggt fjármagn sem gerir Sjúkrahúsinu á Akureyri (SAk) kleift að innleiða heilaörvunarmeðferð einstaklinga með meðferðarþrátt þunglyndi. Áætlað er að á upptökusvæði SAk séu um 240 einstaklingar sem gætu nýtt sér slíka meðferð árlega. Rannsóknir sýna að meðferðin skilar miklum árangri, eða um 60-70% í hópi einstaklinga sem þjást af meðferðarþráu þunglyndi en hafa lítið gagn af hefðbundinni meðferð, s.s. lyfjum og hugrænni atferlismeðferð. -
Framsýn og FSH skrifa undir nýjan kjarasamning
Stjórnendur Framsýnar og Framhaldsskólans á Húsavík hafa undanfarið átt í viðræðum um nýjan stofnanasamning fyrir starfsmenn skólans sem starfa eftir kjarasamningi félagsins. Viðræðurnar gengu mjög vel og kláruðust þær í gærmorgun með undirskrift aðila. -
Akureyri Open í frisbígolfi fór fram um helgina
Um helgina fór fram Gull- og Silfurmótið Akureyri Open í boði Sportver. Mótið var haldið af Frisbígolffélagi Akureyrar og fór fram á frisbígolfvellinum við tjaldstæðið á Hömrum. Keppnin stóð yfir í þrjá daga og tóku 83 keppendur þátt víðsvegar að af landinu. Þrátt fyrir að veðrið hafi ekki verið upp á sitt besta létu keppendur það ekki trufla sig og stemningin var frábær alla helgina. -
Hvers vegna öll þessi leynd? - Breytingar á skipulagi forvarnar- og frístundamála
Það var dularfull stemning í aðdraganda þess að ræða átti trúnaðarmál bæði í fræðslu- og lýðheilsuráði og í bæjarráði þann 22. maí sl. Ekki lá fyrir hvað ætti að ræða og engin gögn voru lögð fram fyrir fundinn. Á fundi bæjarráðs var svo tilkynnt að „ákvörðun hefði verið tekin“ um að leggja niður núverandi skipulag forvarna- og frístundamála hjá Akureyrarbæ. Átti að tilkynna starfsfólki breytingarnar síðar sama dag. -
Tveimur ferskum verkum í Pastel ritröð fagnað í Sigurhæðum
Á fimmtudag 12. júní klukkan fimm verður tveimur splunkunýjum verkum eftir tvo frábæra og ólíka listamenn í Pastel ritröð fagnað í Sigurhæðum á Akureyri. -
Hundakvöld á Listasafninu á Akureyri
Fimmtudaginn 12. júní mun Listasafnið á Akureyri bjóða hunda og eigendur þeirra velkomna á sérstakt hundakvöld. Opið verður frá kl. 19 til 22 og ókeypis inn fyrir eigendur í fylgd hunda -
Íbúum fjölgar á Norðurlandi eystra
Samkvæmt tölum úr Þjóðskrá fjölgaði fólki á Norðurlandi eystra frá 1 des. sl. til 1 júni s.l um 157 manns eða um 0,5%. Þetta er sama fjölgun og var á landsvísu á sama tima. -
atNorth ræður tvo nýja stjórnendur
Gagnavers- og ofurtölvufyrirtækið atNorth hefur ráðið Bjarka Björnsson sem forstöðumann fjármögnunar og fjárstýringar og Axel Valdemar Gunnlaugson í starf forstöðumanns upplýsingatækni.
