Góður árangur Óðins á sundmóti SH
Sundfélagið Óðinn gerði góða ferð á sundmót SH sem haldið var í Hafnarfirði sl. helgi en alls tóku 12 félög þátt í mótinu. Keppendur Óðins unnu til 10 verðlauna í opnum flokki.
Bryndís Rún Hansen vann til gullverðlauna í 50 baksundi og 50 m flugsundi, silfur í 400 m fjórsundi, 100 m flugsundi og 100 m fjórsundi og brons í 100 m baksundi. Halldóra Sigríður Halldórsdóttir hlaut silfur í 100 m skriðsundi og brons í 50 m skriðsundi og Hildur Þórbjörg Ármannsdóttir vann til silfurverðlauna í 200 m baksundi. Þá vann kvennasveit Óðins brons í 4x50m baksundi en sveitina skipuðu þær Bryndís Rún Hansen, Hildur Þórbjörg Ármannsdóttir, Júlía Rún Rósbergsdóttir og Halldóra Sigríður Halldórsdóttir.
Einnig voru veittar viðurkenningar fyrir stigahæstu sundin í hverjum flokki fyrir sig. Nanna Björk Barkardóttir átti stigahæsta sund mótsins í meyjaflokki en hún fékk 479 FINA stig fyrir 200 m fjórsund. Bryndís Rún Hansen átti þriðja stigahæsta sund í opnum flokki og annað stigahæsta í stúlknaflokki þegar hún synti 200 m fjórsund og fékk fyrir það 709 Fina stig. Þá var Kári Ármannsson þriðji stigahæstur sveina með 283 stig fyrir 50 m skriðsund.
Einnig féllu fimm Akureyrarmet á mótinu og átti Nanna Björk Barkardóttir þrjú þeirra í meyjaflokki, í 400 m fjórsundi, 200 m fjórsundi og 50 m flugsundi. Þá setti Bryndís Rún Hansen Akureyrarmet í kvenna- og stúlknaflokki í 50 m baksundi. Einnig voru veitt verðlaun í aldursflokkum og þar bættist all verulega í verðlaunasafnið hjá Óðni.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.