Gera ráð fyrir umtalsverðri hækkun á kostnaðaráætlun
Tölvumynd af nýju hjúkrunarheimili á Húsavík. mynd/Arkís
Jarðvegsframkvæmdir við nýtt 60 rýma hjúkrunarheimili sem verður 4.100 fermetrar fóru fram í nóvember á síðasta ári. Síðan þá hefur lítið gerst og gapandi holan blasir enn við. Til stóð að byggingarframkvæmdirnar yrðu boðnar út í vor en af því hefur enn ekki orðið. Nú er beðið eftir uppfærðri kostnaðaráætlun áður en útboðsferli getur hafist.
Hafrún Olgeirsdóttir (D-lista), formaður byggðaráðs Norðurþings tekur undir með blaðamanni um að biðin sé orðin löng og segir að verkefnið strandi á ríkinu. Það er Framkvæmdasýsla ríkiseigna sem heldur utan um verkefnið fyrir hönd ríkisins.
„Það á eftir að bjóða út framkvæmdina en nú er verið að bíða eftir uppfærðri kostnaðaráætlun sem ætti að liggja fyrir í lok ágúst,“ segir Hafrún og bætir við að hún geri ráð fyrir að útboðsferlið geti tekið um sex mánuði.
Byggðarráð Norðurþings samþykkti í júní á síðasta ári uppfærða kostnaðaráætlun þar sem hlutur sveitarfélaganna sem að framkvæmdinni standa var áætlaður 880,5 milljónir króna eða 25% af heildarkostnaði. Þar af var hlutur Norðurþings áætlaður 670 milljónir. Hin sveitarfélögin eru Tjörneshreppur og hið nýsameinaða sveitarfélag, Þingeyjarsveit.
Nú er útlit fyrir að kostnaður við framkvæmdirnar muni hækka enn frekar. Hafrún bendir á að búið sé að bjóða út framkvæmdir við bygginu á 30 rýma hjúkrunarheimili á Höfn í Hornafirði fyrir 2,5 milljarða. „Miðað við þær tölur getum við séð fram á umtalsverða hækkun hér í okkar sveitarfélagi. Við bíðum eftir þessari uppfærðu áætlun en við erum búin að vera þrýsta á ríkið í allt sumar og vor um að halda áfram með þetta. Það hafa verið talsverð samskipti við ríkið,“ segir Hafrún og bætir við að áhrif af stríðinu í Úkraínu og eftirköst Covid faraldursins séu megin ástæður fyrir því að uppfæra þurfi kostnaðaráætlun. Á síðasta fundi byggðaráðs fyrir sumarfrí, þann 7. júlí sl. var starfandi sveitarstjóra falið að afla upplýsinga frá fjársýslu ríkiseigna um fyrirhugað útboð.
Aðspurð segir Hafrún ekki óttast að yfirvofandi hækkun verði til þess að setja uppbygginguna í uppnám. „Nei ég ætla að vona alls ekki. Við viljum ótrauð halda áfram með þetta. Við erum komin á stað í þessa vegferð og nú þegar búið að eyða fjármunum í jarðvegsvinnu og hönnunarferlið. Við viljum sjá þessa uppbyggingu fara af stað,“ segir hún.
Nýjast
-
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega. -
Bókakynning á Amtsbókasafninu á Akureyri á morgun.
Kristín Guðmundsdóttir höfundur bókarinnar Tólf lyklar verður með kynningu á bókinni á Amtsbókasafninu á morgun og hefst kynningin klukkan 15:30. Bókin er fyrir fólk af erlendum uppruna sem er búið með grunninn í íslensku. -
Barnamenningarhátíð á Akureyri
Barnamenningarhátíð á Akureyri er nú haldin í sjöunda sinn og hefur vaxið ár frá ári. Hátíðin teygir sig yfir allan aprílmánuð með það að markmiði að hvetja börn og fjölskyldur þeirra til að taka virkan þátt í menningarlífi bæjarins sér að kostnaðarlausu.Á dagskrá eru fleiri en 50 viðburðir af ýmsu tagi. -
Sigríður Örvarsdóttir nýr safnstjóri Listasafnsins
Sigríður Örvarsdóttir hefur verið ráðin nýr safnstjóri Listasafnsins á Akureyri. Sigríður er með MA gráðu í safnafræði frá Háskóla Íslands (2018), BA gráðu í textílhönnun frá Seminaret for Kunst og Haandværk í Danmörku (2001), ásamt meistaranámi í prjónahönnun frá Academie Royale des Beux-Arts (2014) og viðbótardiplómu í hagnýtri jafnréttisfræði frá Háskóla Íslands (2009). Auk þess er hún með kennsluréttindi í grunn- og framhaldsskóla (2001). Sigríður hefur starfað sem safnstjóri og forstöðumaður Menningarmiðstöðvar Þingeyinga frá árinu 2022 og veitir sem slík forstöðu Myndlistarsafni Þingeyinga en safneign þess telur um 1.900 verk. Í starfi sínu stýrir hún starfseminni og ber ábyrgð á öllum þáttum rekstrar, allri fjárhags- og verkefnaáætlanagerð, bókhaldi, mannauðsmálum, rekstri fasteigna og faglegu starfi sjö annarra safneigna og fjögurra sýningarstaða. Sigríður starfaði sem verkefnastjóri sýninga hjá Akureyrarbæ sumarið 2021. Í því starfi sinnti hún sýningagerð, rannsóknarvinnu og kynningarmálum. Árin 2019 til 2020 var hún sjálfstætt starfandi ráðgjafi við gerð safnastefnu Akureyrarbæjar. Hún gegndi starfi safnafulltrúa Listasafnsins á Akureyri árið 2012 og árin 2010 og 2012 starfaði hún sem verkefnastjóri samsýninga og ritstjóri safnahandbóka fyrir söfn á Norður- og Norðausturlandi. Árin 2008 til 2012 starfaði hún sem safnkennari við Minjasafnið á Akureyri. Sigríður hefur reynslu af kennslu í list- og hönnunargreinum á öllum skólastigum innan lands sem utan, m.a. hjá Listaháskóla Íslands og Marbella Design Academy á Spáni. Hún hefur tekið þátt í alheimsþingi ICOM, alþjóðaráðs safna og verið fulltrúi þess í Rannsóknarsetri í safnafræðum við Háskóla Íslands. Alls bárust 14 umsóknir um starfið. -
Virðist sem skorti pólitískan vilja
Stjórn og trúnaðarráð Framsýnar kom saman til fundar í gær. Mörg mikilvæg mál voru til umræðu á fundinum m.a. samgöngumál. Ákveðið var að hvetja Vegagerðina og stjórnvöld til að styðja við áætlunarflug um Húsavíkurflugvöll auk þess styðja betur við Loftbrúna sem skiptir íbúa á landsbyggðinni verulega miklu máli. Fjölga þarf ferðum sem menn geta nýtt sér á þessum sérstöku kjörum
Athugasemdir