Fyrsta skóflustungan tekin að nýrri frístundabyggð í Hálöndum
Helgi Örn sýnir Baldri á Hlíðarenda líkan af einu orlofshúsi.
Baldur Halldórsson á Hlíðarenda tók í hádeginu í dag, fyrstu skóflustunguna að nýrri frístundabyggð sem SS Byggir hyggst reisa í landi Hlíðarenda við Hlíðarfjallsveg. Fjöldi fólks var á staðnum, starfsmenn SS Byggis og gestir og að lokinni skóflustungu var öllum boðið upp á grillaðar pylsur, í tilefni þessara tímamóta. Árið 2010 festi SS Byggir kaup á 28 hektara landi úr jörðinni og liggur það svæði ofan bæjarhúsa Hlíðarenda. Svæðið hefur fengið nafnið Hálönd en það var Baldur sem kom fram með hugmyndina að nafninu. Áætlanir gera ráð fyrir 100 orlofshúsum, skálum til að hýsa stærri hópa, þjónustuhúsum og hóteli. Hér er um að ræða verkefni til að minnsta kosti 10 ára, með 20-30 ársverk og er áætlaður kostnaður við uppbygginguna milljarðar króna.
Við athöfnina í dag, sagði Helgi Örn Eyþórsson verkefnastjóri SS Byggis, m.a. frá því að eftir að fyrirtækið keypti landið hafi farið í gang umfangsmikið skipulagsferli. Breyta hafi þurft landnotkun úr landbúnaði í ferðaþjónustu. Breyta þurfi aðalskipulagi Akureyrar og deiliskipuleggja svæðið. Allt hefur þetta tekið tíma en nú erum við loksins komnir með leyfi til að hefja framkvæmdir. Við erum með samþykki fyrir einu húsi og framkvæmdaleyfi fyrir gatnagerð. Stefnan er að hefja jarðvegsframkvæmdir nú á sumarmánuðum. Þegar verkefnastaðan breytist í haust og við ljúkum framkvæmdum við hjúkrunarheimilið við Vestursíðu og áfangaskipti verða við Naustaskóla, verður hægt að hefja framkvæmdir við að minnsta kosti þrjú hús hér í Hálöndum, sagði Helgi Örn. Hann minntist jafnframt á það að SS Byggir hefði átt lægsta tilboð í byggingu 5. áfanga við Háskólann á Akureyri og því væri staðan fyrir veturinn nokkuð góð.
Svæðið sem er við rætur Hlíðarfjalls, er draumastaður fyrir útivistarfólks, að mati forsvarsmanna SS Byggis. Á heimasíðu fyrirtækisins segir m.a: Hægt verður að renna sér heim að húsunum frá skíðasvæði Hlíðarfjalls flesta daga vetrarins en einnig er örstutt í aðra afþreyingu allt árið um kring. Húsin eru aðeins í um 5 km fjarlægð frá miðbæ Akureyrar. Meðal afþreyingar á svæðinu má nefna:
· Skíðasvæðið Hlíðarfjall, paradís skíða- og brettafólks á Íslandi
· Akstursvæði KKA, félags torfæruhjóla- og vélsleðamanna á Akureyri
· Fyrirhugað akstursíþróttasvæði og ökugerði Bílaklúbbs Akureyrar
· Reiðhöll og keppnissvæði Hestamannafélagsins Léttis
· Æfingar- og keppnisaðstaða Skotfélags Akureyrar
· Glerárdalur og Súlur bjóða upp á endalausa möguleika fyrir göngugarpa, vélsleðafólk og aðra unnendur útivistar og náttúru
Nýjast
-
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum. -
Magnaði Mendelssohn
Felix Mendelssohn (Bartholdy) er talinn hafa verð einn mesti tónsnillingur allra tíma. Undrabarn sem á sinni stuttu 38 ára æfi samdi eina fallegustu tónlist veraldar. Jafnvel önnur tónskáld kölluð hann "hinn nýja Bach" m.a. Liszt, Schumann og Berlioz. -
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“.
