Fyrirspurn til bæjarstjórnar Akureyrar
Þrátt fyrir að bæjarstjórn Akureyrar hafi nú þegar samþykkt að breyta skipulagi miðbæjarins okkar í grundvallaratriðum frá því sem ákveðið var samhljóða árið 2014 leyfi ég mér að varpa til hennar eftirfarandi fyrirspurn: Hefur bæjarstjórn vilja til þess að efna í haust til íbúaþings um ofangreindar breytingar, leggja þar fram rök fyrir því helsta sem í þeim felst, upplýsa um einstaka þætti og ræða við væntanlega þátttakendur? Því miður var lítið samband haft beint við bæjarbúa í ferlinu undanfarna mánuði og því borið við að Covid-19 hafi komið í veg fyrir það ef marka má greinargerð sem verkfræðistofa gerði fyrir bæjarstjórn.
Gott tækifæri
Sjálfur bar ég slíka tillögu fram í ítarlegum athugasemdum mínum við umræddar breytingar. Þar taldi ég ráðlegast að bíða eftir að Covid-19 gengi yfir og taka málið upp á ný og þá í góðri samvinnu og sátt við bæjarbúa eins og gert var með góðum árangri við undirbúning og afgreiðslu miðbæjarskipulags 2014. Því miður var þessari tillögu ekki einu sinni svarað hvað þá að nokkur rök væru færð fyrir því að hún væri í það minnsta óraunhæf. Þegar allt bendir nú til að veiran vonda verði að mestu gengin yfir á haustdögum ætti ekkert að vera því til fyrirstöðu að halda slíkt íbúaþing.
Verði það gert fengju bæjarfulltrúar kjörið tækifæri til að færa fram rök sín fyrir einstökum breytingum, gætu rætt þær milliliðalaust við þátttakendur og hlustað á athugasemdir þeirra, leiðrétt missagnir ef fram koma og aukið skilning á breytingunum meðal bæjarbúa. Það eitt hlýtur að vera verðugt markmið.
Í seinni tíð hefur þeim fjölgað verulega sem telja vænlegan kost að koma í framkvæmd
útfærslu á verðlaunatillögu Skotans Graeme Massie um skipulag miðbæjarins frá árinu 2010.
Hún þótti djörf og athyglisverð og vakti athygli langt út fyrir landsteinanna
auk þess að uppfylla öll meginmarkmið sem íbúaþingið 2004 mótaði.
Hugmyndir að umræðuefnum
Á slíku íbúaþingi gæti til að mynda verið fróðlegt að fá svör við eftirfarandi spurningum:
-Hvernig getur fækkun gangstíga yfir Glerárgötu milli Hofs og Skipagötu úr þremur í einn stuðlað að betra aðgengi gangandi fólks milli miðbæjarins og Pollsins?
-Hvernig stuðla fjórar akreinar á umræddum vegarspotta að því að bæta umferðarflæði akandi þegar þær þrengjast í tvær á eina gangstígnum þarna sem verður auk þess með upphækkun?
-Hvernig samræmist það vistvænum miðbæ að hafa í honum miðjum slíka hindrun þar sem mengandi bílar af fjórum akreinum sitt úr hvorri átt eru sífellt að sæta lagi að komast áfram í kappi við gangandi fólk?
-Hvað mælir á móti því að fækka akreinum í eina í hvora átt við Torfunef að sunnan og Strandgötu að norðan og þar hinkri bílar eftir því að komast áfram í gegnum þetta hjarta miðbæjarins?
-Hvað liggur að baki hugtökunum “umfangi, tíma og kostnaði” sem var það eina sem talið var upp í runu þegar óskað var eftir skýringum á því að hverfa frá að breyta ofangreindum vegspotta í samræmi við skipulagið frá 2014?
-Hvers vegna var horfið frá að endurvekja lækinn í Skátagilinu og hann haldi áfram í einhverri mynd niður að hafnarsvæðinu og “verði í náttúrlegri mynd að hluta með tjörnum og fossum þar sem við á” eins og gert var ráð fyrir í skipulaginu frá 2014?
-Hvers vegna hækkar bæjarstjórn byggingar á svæðinu austan Skipagötu um eina til tvær hæðir á sama tíma og hún fagnar niðurstöðum skoðanakönnunar um lægri byggð á Oddeyrinni sem enginn treystir sér til að byggja eftir?
Hér eru aðeins taldar upp örfáar spurningar sem fróðlegt og jafnvel gagnlegt væri fyrir bæjarbúa og bæjarstjórn að ræða saman um. Reynslan sýnir að oft koma út úr slíkum viðræðum nýjar og ferskar hugmyndir. Það sannaðist rækilega á íbúþinginu sæla hér á Akureyri þegar meginlínur voru lagðar fyrir það skipulag vistvæns miðbæjar sem samþykkt var samhljóða í bæjarstjórn árið 2014 en vikið var frá með samþykkt sömu bæjarstjórnar á dögunum.
Aldrei og seint
Að lokum óska ég þess vinsamlega að bæjarstjórn - eða forseti bæjarstjórnar fyrir hennar hönd – svari opinberlega ofangreindri spurningu minni um íbúaþing sem allra fyrst. Telji hún að þessi tillaga sé komin of seint fram er rétt að vísa til þess að ég stakk upp á halda umrætt íbúaþing áður en bæjarstjórn samþykkti breytingar á miðbæjarskipulaginu. Í annan stað tel ég aldrei of seint að ræða við íbúa okkar ágæta bæjar enda hafa áralöng kynni mín af þeim sannfært mig um að þeir eru langflestir ágætlega viðræðuhæfir.
-Ragnar Sverrisson kaupmaður
Nýjast
-
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega. -
Bókakynning á Amtsbókasafninu á Akureyri á morgun.
Kristín Guðmundsdóttir höfundur bókarinnar Tólf lyklar verður með kynningu á bókinni á Amtsbókasafninu á morgun og hefst kynningin klukkan 15:30. Bókin er fyrir fólk af erlendum uppruna sem er búið með grunninn í íslensku. -
Barnamenningarhátíð á Akureyri
Barnamenningarhátíð á Akureyri er nú haldin í sjöunda sinn og hefur vaxið ár frá ári. Hátíðin teygir sig yfir allan aprílmánuð með það að markmiði að hvetja börn og fjölskyldur þeirra til að taka virkan þátt í menningarlífi bæjarins sér að kostnaðarlausu.Á dagskrá eru fleiri en 50 viðburðir af ýmsu tagi. -
Sigríður Örvarsdóttir nýr safnstjóri Listasafnsins
Sigríður Örvarsdóttir hefur verið ráðin nýr safnstjóri Listasafnsins á Akureyri. Sigríður er með MA gráðu í safnafræði frá Háskóla Íslands (2018), BA gráðu í textílhönnun frá Seminaret for Kunst og Haandværk í Danmörku (2001), ásamt meistaranámi í prjónahönnun frá Academie Royale des Beux-Arts (2014) og viðbótardiplómu í hagnýtri jafnréttisfræði frá Háskóla Íslands (2009). Auk þess er hún með kennsluréttindi í grunn- og framhaldsskóla (2001). Sigríður hefur starfað sem safnstjóri og forstöðumaður Menningarmiðstöðvar Þingeyinga frá árinu 2022 og veitir sem slík forstöðu Myndlistarsafni Þingeyinga en safneign þess telur um 1.900 verk. Í starfi sínu stýrir hún starfseminni og ber ábyrgð á öllum þáttum rekstrar, allri fjárhags- og verkefnaáætlanagerð, bókhaldi, mannauðsmálum, rekstri fasteigna og faglegu starfi sjö annarra safneigna og fjögurra sýningarstaða. Sigríður starfaði sem verkefnastjóri sýninga hjá Akureyrarbæ sumarið 2021. Í því starfi sinnti hún sýningagerð, rannsóknarvinnu og kynningarmálum. Árin 2019 til 2020 var hún sjálfstætt starfandi ráðgjafi við gerð safnastefnu Akureyrarbæjar. Hún gegndi starfi safnafulltrúa Listasafnsins á Akureyri árið 2012 og árin 2010 og 2012 starfaði hún sem verkefnastjóri samsýninga og ritstjóri safnahandbóka fyrir söfn á Norður- og Norðausturlandi. Árin 2008 til 2012 starfaði hún sem safnkennari við Minjasafnið á Akureyri. Sigríður hefur reynslu af kennslu í list- og hönnunargreinum á öllum skólastigum innan lands sem utan, m.a. hjá Listaháskóla Íslands og Marbella Design Academy á Spáni. Hún hefur tekið þátt í alheimsþingi ICOM, alþjóðaráðs safna og verið fulltrúi þess í Rannsóknarsetri í safnafræðum við Háskóla Íslands. Alls bárust 14 umsóknir um starfið. -
Virðist sem skorti pólitískan vilja
Stjórn og trúnaðarráð Framsýnar kom saman til fundar í gær. Mörg mikilvæg mál voru til umræðu á fundinum m.a. samgöngumál. Ákveðið var að hvetja Vegagerðina og stjórnvöld til að styðja við áætlunarflug um Húsavíkurflugvöll auk þess styðja betur við Loftbrúna sem skiptir íbúa á landsbyggðinni verulega miklu máli. Fjölga þarf ferðum sem menn geta nýtt sér á þessum sérstöku kjörum
Athugasemdir