Friðsældarforskotið
Huld Hafliðadóttir
Huld Hafliðadóttir skrifar:
Nýlega rakst ég á færslu á Facebook ritaða af Ólafi Grétari fjölskylduráðgjafa í tilefni bóndadagsins. Færslan var líklega ætluð karlmönnum, frekar en öðrum, en ég tók hana til mín af innihaldinu einu og fann löngun til að deila með mér.
Í færslunni vitnar Ólafur í heimspekinginn og rithöfundinn Gunnar Dal. Gunnar taldi að eitt af því dýrmætasta sem íslenskir karlmenn ættu, væri að hafa lifað síðustu aldir án herþjálfunar á mikilvægum mótunarárum sínum, sem m.a. fela í sér að sjá sig fyrir sér taka líf annars manns. Slíka þjálfun hafi karlar í nágrannalöndunum gengist undir á tímum herskyldu. Er Gunnar sagður hafa talað af mikilli ástríðu um hvað það væri mikil gjöf fyrir íslenska karlmenn að hafa ekki fengið þennan kynslóðaarf. Þetta gæfi þeim mikla möguleika á að lifa friðelskandi lífi og þar með njóta þeirrar auðlindar sem umhyggjuhæfileikar þeirra almennt eru.
Mér fannst þetta virkilega góð lesning og enn mikilvægari áminning um það hve raunverulega heppin við erum og höfum verið hér á eylandinu fagra undanfarnar aldir.
Það er alls ekki sjálfgefið að fæðast á stað og inn í þá menningu sem laus er við hernað og það sjáum við betur og betur með aukinni hnattvæðingu. Það er nefninlega stutt í stríðsátökin og friðurinn er oft úti áður en við vitum af.
Því er mikilvægast af öllu að muna að friður hefst í huga hvers manns og með því að iðka friðsæld leyfum við þessari mikilvægu gjöf að vaxa áfram og vonandi skila sér til komandi kynslóða. Og til að enda á þessum friðelskandi nótum er ekki úr vegi að minnast orða víetnamska búddamunksins Thích Nhất Hạnh sem lést um liðna helgi, 95 ára að aldri: „Upprættu ofbeldi í lífí þínu og lærðu að lifa í samkennd og meðvitund. Leitaðu friðar. Þegar þú býrð yfir innri friði, er raunverluegur friður með öðrum mögulegur.“
Huld Hafliðadóttir
Nýjast
-
Nýr Kjalvegur – Hraðbraut í gegnum hálendið
Á Alþingi liggur nú fyrir þingsályktunartillaga um endurnýjun vegar yfir Kjöl með einkaframkvæmd en nokkrum sinnum hefur verið reynt að mæla fyrir málinu í gegnum tíðina án árangurs. -
1500 FRÆ
Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík. -
Í ljósi fréttar um vorboðann ljúfa
Vefnum barst tölvupóstur með myndum og texta frá konu sem átti leið um miðbæ Akureyrar i morgun. Eins og sjá má var henni og liklega fleirum sem þar áttu leið um misboðið. -
Berjumst fyrir okkar málefnum, en til þess þurfum við og okkar samtök að glaðvakna.
Undanfarið hefur nokkuð verið rætt um kjör okkar eldri borgara og hvernig við séum afskipt þegar kemur að kjarabótum. -
Skýr markmið og þrautseigja skila árangri - Saga um gefandi samstarf
Gústaf Baldvinsson framkvæmdastjóri Seagold Ltd., sem er sölufélag Samherja í Bretlandi, skrifar hér um skemmtilegt og gefandi samstarf við Dag Benediktsson sem í síðasta mánuði náði þeim frábæra árangri að verða fimmfaldur Íslandsmeistari á skíðum. -
Fjármálalæsi Jöfnun stöðu allra barna
Við teljum afar brýnt að jafna stöðu allra barna þannig ekkert barn fari upp úr grunnskóla án þess að búa yfir lágmarksþekkingu í fjármálalæsi ekki frekar en börn fara út í umferðina án þess að kunna umferðarreglurnar. -
Greiðum veginn
Jarðgöng bæta samgöngur Það má með sanni segja að páskahretið hafi haft mikil áhrif á ferðalög landsmanna síðustu daga. Víða voru vegalokanir með tilheyrandi vandkvæðum fyrir þá sem þurftu að komast leiðar sinnar. Það er mjög skiljanlegt að umræður um jarðgöng verði háværari þegar vegir lokast í lengri tíma. Ég tek undir þá umræðu og tel afar brýnt að ávallt séu í gangi framkvæmdir við jarðgöng á hverjum tíma, ef ekki tvenn. Jarðgöng eru mikilvæg fyrir samfélagsuppbyggingu á hverjum stað, eins og dæmin sanna og geta skipt sköpum fyrir atvinnurekstur á landsbyggðinni svo ekki sé minnst á öryggið. -
Fjölmiðlastjarna og spriklandi doktor með ástríðu fyrir hjartanu og þjónandi forystu
Vísindafólkið okkar er mánaðarleg kynning á vísindafólki Háskólans á Akureyri. Vísindamanneskjan í mars er Sigurður Ragnarsson, lektor við Viðskiptadeild. Samhliða lektorsstöðunni sinnir hann eigin fyrirtæki, Forysta og samskipti, sem hann stofnaði og rekur í dag. -
NÝR ÞÁTTUR Í HLAÐVARPI HEILSU- OG SÁLFRÆÐIÞJÓNUSTUNNAR
Það er Júlía Margrét Rúnardóttir félagsráðgjafi sem er gestur þáttarins að þessu sinni og fjallar hún um stjúpfjölskyldur.
Athugasemdir