Frábær tilfinning
Það þótti ástæða til að pússa skóinn hans Sigurðar Marinós eftir að hann skorað þriðja markið.
Tilfinningin er frábær og þetta er í raun lyginni líkast, sagði Sigurður Marinó Kristjánsson leikmaður Þórs, sem var hetjan í öruggum sigri liðsins á írska liðinu Bohemian FC í forkeppni Evrópudeildarinnar í knattspyrnu á Þórsvellinum í kvöld. Sigurður skoraði þrennu í leiknum og hann tók einnig hornspyrnuna þegar Írarnir skoruðu sjálfsmark í byrjun síðari hálfleiks. Við vorum fullir sjálfstrausts eftir markalaust jafntefli úti. Við fengum að vísu á okkur klaufalegt mark í kvöld en svo gáfum við í og rúlluðum yfir þá. Þeir áttu aldrei möguleika eftir það, við fengum fjölmörg færi til viðbótar en þeir ekki neitt, sagði Sigurður en viðurkenndi að sigurinn hefði verið stærri en menn áttu von á.
Þór mætir tékkneska liðinu Mladá Boleslav í 2. umferðinni og fara leikirnir fram 19. og 26. júlí. Sigurður sagðist ekkert vita um tékkneska liðið en hann er þó hvergi banginn. Mér líst vel á þessa viðureign, þetta er sannkallað ævintýri og við erum fullir sjálfstrausts. Eftir þennan sigur eigum við möguleika í hvaða lið sem er.
Þórshjartað vaknaði
Hreinn Hringsson aðstoðarþjálfari Þórs var að vonum ánægður eftir leikinn líkt og aðrir Þórsarar. Þetta er frábær tilfinning en sigurinn er stærri en ég átti von á. Þriðja markið sem Írarnir fengu á sig í byrjun seinni hálfleiks var kjaftshögg fyrir þá. Eftir það litum við ekki til baka og ég sá þarna á vellinum sama gamla Þórsliðið og þegar við fórum upp í úrvalsdeild. Við erum búnir að bíða eftir því lengi að hjartað vaknaði, það gerðist svo sannarlega í kvöld og þetta er bara ævintýri, sagði Hreinn.
Hann sagði að það hafi aldrei verið spurning um það að Þór gæti unnið þetta írska lið, eftir viðureignina á Írlandi. Það sást líka langar leiðir á Írlandi að þeir áttu ekki von á því að lenda í vandræðum með eitthvað 1. deildar lið frá Íslandi. Annað kom á daginn.
Nýjast
-
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum. -
Magnaði Mendelssohn
Felix Mendelssohn (Bartholdy) er talinn hafa verð einn mesti tónsnillingur allra tíma. Undrabarn sem á sinni stuttu 38 ára æfi samdi eina fallegustu tónlist veraldar. Jafnvel önnur tónskáld kölluð hann "hinn nýja Bach" m.a. Liszt, Schumann og Berlioz. -
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“.
