Frábær árangur Hafdísar á Gautaborgarleikunum
Hafdís Sigurðardóttir.
Hafdís Sigurðardóttir frjálsíþróttakona úr UFA stóð sig frábærlega á Gautaborgarleikunum, heimsleikum unglinga um helgina. Hún sigraði í 400 m hlaup kvenna, á sínum besta tíma, 54,16 sek. hún átti áður 55,42 sek. og er þetta besti tími sem náðst hefur í 8 ár. Þess má geta að Íslandsmet Guðrúnar Arnardóttur frá 1997 er 52,83 sek. Hafdís vann einnig 200 m hlaupið með yfirburðum, hljóp á tímanum 24,12 sek. en átti áður best 24,66 sek. Þessir tímar Hafdísar í 400 m og 200 m hlaupum eru 4. bestu tímar íslenskrar konu frá upphafi. Í 100m hlaupi hljóp hún á 12,05 sek. í undanúrslitunum og á 12,10 sek. í úrslitunum og varð í 2. sæti. Hún átti áður best 12,15 sek. Þessir tímar eru bestu tímar ársins í þessum hlaupum. Hafdís keppti einnig í langstökki og hafnaði þar í 4. sæti en hún stökk 5,98 m. Á heimasíðu UFA, segir að með þessum árangri sé Hafdís komin í fremstu röð íslensks frjálsíþróttafólks. Fyrir árangur sinn í 400 m hlaupinu hlýtur hún 1058 stig samkv. IAAF og árangurinn í 200 m hlaupinu gefur henni 1048 stig. Alls eru þátttakendur á Gautaborgarleikunum um 3.500 frá 20 löndum. Nokkur fjöldi Íslendinga tók þátt í leikunum að venju.
Nýjast
-
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum. -
Magnaði Mendelssohn
Felix Mendelssohn (Bartholdy) er talinn hafa verð einn mesti tónsnillingur allra tíma. Undrabarn sem á sinni stuttu 38 ára æfi samdi eina fallegustu tónlist veraldar. Jafnvel önnur tónskáld kölluð hann "hinn nýja Bach" m.a. Liszt, Schumann og Berlioz. -
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“.
