Forréttindi að hafa tækifæri til að starfa fyrir félagið
Þessi dagur er mér mjög kær, það má segja að hann veiti mér tvöfalda ánægju segir Hrefna G. Torfadóttir formaður Knattspyrnufélags Akureyrar, KA. Félagið fagnaði 85 ára afmæli sínu á þriðjudag, 8. janúar, var stofnað þann dag árið 1928. Fyrir tíu árum þegar haldið var með pompi og prakt upp á 75 ára afmæli KA eignuðust Hrefna og eiginmaður hennar, Magnús Gauti Gautason sitt fyrsta barnabarn sem fékk nafn ömmu sinnar, heitir Hrefna Lily. Hún býr með foreldrum sínum í Svíþjóð en er engu að síður gallharður stuðningsmaður KA og sækir fótboltaæfingar þegar hún heimsækir afa og ömmu á sumrin.
Hrefna hefur gengt starfi formanns KA undanfarin ár, en hún hefur átt samleið með félaginu um fjögurra áratuga skeið, gekk til liðs við félagið barn að aldri, æfði handbolta í fyrstu en segist einkum hafa sinnt margs konar stjórnunar- og sjálfboðaliðastörfum fyrir félagið. Þá stóð Magnús Gauti vaktina í markinu hjá KA í handboltanum í 18 ár og fylgdist Hrefna og börnin að sjálfsögðu með hverjum heimaleik í Skemmunni sem þá var og hét.
Síungt og engin ellimerki
Ég er stolt af því að vera hluti af þessu stóra og öfluga íþróttafélagi og afskaplega þakklát fyrir að hafa kynnst öllu því góða fólki sem sameiginlega stendur á bak við það og hefur í áranna rás gert það að því sterka félagi sem það er á þessum tímamótum, segir Hrefna. Afmælisbarnið sé síungt og á því engin ellimerki að sjá.
Félagið á sér langa sögu og í því býr mikill kraftur, segir hún. Það voru 12 ungir framsæknir piltar sem tóku sig saman og ákváðu að stofna félag til að spila knattspyrnu í og minnumst við þeirra með þakklæti og virðingu.
Nánar er rætt við Hrefnu í prentútgáfu Vikudags.
Nýjast
-
Hundakvöld á Listasafninu á Akureyri
Fimmtudaginn 12. júní mun Listasafnið á Akureyri bjóða hunda og eigendur þeirra velkomna á sérstakt hundakvöld. Opið verður frá kl. 19 til 22 og ókeypis inn fyrir eigendur í fylgd hunda -
Íbúum fjölgar á Norðurlandi eystra
Samkvæmt tölum úr Þjóðskrá fjölgaði fólki á Norðurlandi eystra frá 1 des. sl. til 1 júni s.l um 157 manns eða um 0,5%. Þetta er sama fjölgun og var á landsvísu á sama tima. -
atNorth ræður tvo nýja stjórnendur
Gagnavers- og ofurtölvufyrirtækið atNorth hefur ráðið Bjarka Björnsson sem forstöðumann fjármögnunar og fjárstýringar og Axel Valdemar Gunnlaugson í starf forstöðumanns upplýsingatækni. -
Litaboltavöllur á tjaldsvæðinu
Skipulagsráð Akureyrar hefur tekið jákvætt í erindi frá Skúla Lórenz Tryggvasyni sem óskaði eftir svæði til að setja upp litaboltavöll (e. paintball). -
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna.
