Fjölbreytt vetrardagskrá í Hofi
Menningarhúsið Hof.
Menningarhúsið Hof heldur uppá tveggja ára starfsafmæli sitt í lok ágúst og afmælið markar um leið upphafið að þriðja starfsári hússins. Aðsókn á viðburði fyrstu tvö árin hefur farið fram úr björtustu vonum og hafa þeir verið vel sóttir bæði af heimamönnum og gestum víðsvegar að af landinu. Vetrardagskrá Hofs var kynnt fyrr í vikunni, en fjölbreytt dagskrá er í boði þar sem allar listgreinar koma við sögu.
Auk fjölmargra tónleika, leiksýninga og sjónlistasýninga verður útvarpsþátturinn Gestir út um allt áfram sendur beint út á Rás 2 frá Hamraborg og á meðal nýjunga í vetrardagskránni eru viðburðir sem tengjast ritlist og bókmenntum sem og jóladagatal í desember. Vetrardagskráin hefst með afmælisvöku Akureyrar í næstu viku, en meðal viðburða sem framundan eru má nefna að hljómsveitin Nýdönsk heldur upp á 25 ára afmæli sitt með tónleikum í næsta mánuði og þá verða tónleikar til heiðurs Freddy Mercury.
Hvanndalsbræður halda upp á 10 ára afmæli sitt í október, Gissur Páll Gissurarson tenórsöngvari og Árni Heiðar Karlsson leiða saman hesta sína með flutningi á einsöngslögum og í byrjun nóvember heldur Friðrik Ómar útgáfutónleika í Hamraborg. Karlakór Akureyrar-Geysir fagnar 90 ára afmæli sínu með tónleikum og á degi íslenskrar tungu heldur Kór Fjarðarbyggðar ásamt gestum tónleika með yfirskriftinni Óma Íslandslög.
Þá verður Bubbi Morthens með árlega Þorláksmessutónleika þann 21. desember og Jón Ólafsson verður með þrenna tónleika úr sinni vinsælu tónleikaröð Af fingrum fram. Af leiksýningum sem í boði verða má nefna Tengdó, Gói og baunagrasið og Gói og Eldfærin. Dagskrána í heild sinni fyrir veturinn má nálgast á www.menningarhus.is.
Nýjast
-
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins.
