Fjölbreytt dagskrá um allan bæ á Akureyrarvöku
Gestir garðsins, sem verður að venju upplýstur, geta notið ýmissa uppákoma víðs vegar í fallegum rjóðrum s.s. tónlistar, upplesturs fyrir unga sem aldna, lesið verður í rúnir og hávamál, framinn verður gjörningur, tónlistarfólk frá Kanada flytur tónlist, veittar verða viðurkenningar fyrir fallega garða og boðið upp á heitt kakó. Klukkan 22 hefst svo Draugagangan, samvinnuverkefni Minjasafnsins og Leikfélags Akureyrar. Draugagangan, sem hefur nú verið færð yfir á föstudagskvöld, hefur notið mikilla vinsælda síðustu ár. Gangan hefst að venju við Minjasafnið og endar við Samkomuhúsið. Sjálf Akureyrarvaka fer svo fram á laugardeginum og stendur frá morgni og eitthvað fram yfir miðnætti. Viðburðirnir og uppákomurnar eru eins fjölbreyttar og þær eru margar og mun boðsbréf berast íbúum bæjarins með Dagskránni á morgun en þar sem sífellt bætast við nýir dagskrárliðir verður einnig hægt að finna uppfærða dagskrá á heimasíðunum visitakureyri.is og akureyri.is.
Hápunktar Akureyrarvöku eru ekki af verri endanum. Áðurnefnd setning Akureyrarvöku í upplýstum Lystigarðinum nýtur vinsælda og það sama er að segja um Draugagönguna. Opnun bæjarlistakonunnar Önnu Gunnarsdóttur á sýningu í Ketilhúsinu, þar sem hún fæst við stór þrívíddarverk úr ull, er beðið með eftirvæntingu og það sama gildir um opnun Listasafnsins á Akureyri á verkum listamannanna sem eru tilnefndir til Sjónlistaverðlaunanna árið 2008. Vestur-Íslendingurinn Freya Olafson kemur frá Kanada til sýna gestum Akureyrarvöku video- og dansverkið New Icelander þar sem hún vinnur með minningu forfeðra okkar sem fóru vestur um haf í leit að betra lífi. Sinfóníuhljómsveit Norðurlands og Leikfélag Akureyrar taka höndum saman og sýna á Marínu verkið Saga dátans eftir Igor Stravinsky en það var samið sem ádeila á græðgi og auðsöfnun.
Opnun á ástarsafni
Síðasti hápunktur Akureyrarvöku er sjálft lokaatriðið þar sem saman fara afmælisstemmning á 146. ára afmæli Akureyrarbæjar og opnun á ástarsafni. Lokaatriðið mun fela í sér stóra gómsæta afmælisköku sem upphafspunkt, fallegan karlmannssöng og siglingu, tónlist frá Kanada og einum vinsælasta trúbador landsins og opnun á ástarsafni Akureyringa. Að síðustu mun bæjarlistakonan Anna Richards bregða sér í líki furðufugls við Menningarhúsið Hof með aðstoð Brynhildar Kristinsdóttur og Ragnhildar Gísladóttur og verður framinn einstakur gjörningur á þaki Menningarhússins en það verður einmitt vígt á Akureyrarvöku á næsta ári og er vel við hæfi að enda lokaatriðið á þeim stað.
Nýjast
-
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst."