Fjármögnun tryggð í nýja flugstöð
Akureyrarflugvöllur. Mynd/Hörður Geirsson.
Fjármögnun hefur verið tryggð fyrir nýtt flughlað og nýja flugstöð á Akureyri. Þetta segir Njáll Trausti Friðbertsson þingmaður Sjálfstæðisflokksins. Eins og frá var greint í síðasta blaði eru framkvæmdir við fyrsta áfanga flughlaðs á Akureyrarflugvelli hafnar og á áætlun að hefja viðbyggingu við flugstöðina á Akureyrarflugvelli ásamt hönnun breytinga á núverandi flugstöð til að mæta aukinni þörf vegna millilandaflugs.
Sigrún Björk Jakobsdóttir, framkvæmdastjóri flugvallasviðs Isavia,sagði í svari við fyrirspurn blaðsins að vonandi yrði hægt að bjóða byggingu flugstöðvarinnar út í febrúar á næsta ári en bætti við að það ylti á fjárveitingum til verksins. Njáll Trausti bendir á að að þessi verkefni voru ekki fyrir í samgönguáætlun heldur í tillögu til þingsályktunar um sérstakt tímabundið fjárfestingarátak sem lagt var fram af fjármálaráðherra í vor.
„Samkvæmt áætluninni koma 18 milljarðar strax til m.a. samgöngumannvirkja og annarra innviðaverkefna. Þar af voru 200 millj. kr. í hönnun á stækkun flugstöðvarinnar og 315 millj. kr. í flughlaðið,“ segir Njáll Trausti. Áætlað er að um 50 ársverk munu skapast við framkvæmd flugstöðvarinnar og 40 ársverk yrðu til við stækkun á flughlaði. Markmið framkvæmdanna er að bæta aðstöðu og þjónustu við flugfarþega.
Í framhaldi af því að fjármagn fékkst til þessara tveggja verkefna í fyrsta fjárauka ársins fóru verkefnin inn í nýja samgönguáætlun sem samþykkt var í þinginu í júní. Fullnaðarfjármögnun flugstöðvarbyggarinnar og við flughlaðið kemur síðan í gegnum fjárfestingarplanið sem var kynnt í vor fyrir næstu þrjú ár, 2021-2023 og verður afgreitt í þinginu þegar það kemur aftur saman í haust.
Nýjast
-
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun
Athugasemdir