Fjárfestar sýna Dysnesi áhuga
Öll skipulagsvinna tekur talsverðan tíma. Lýsing á deiliskipulagsverkefni fyrir Dysnes-svæðið liggur fyrir og hún verður auglýst fljótlega. Á svæðinu verður í framtíðinni hugsanlega þjónustustöð fyrir verkefni á norðurslóðum, segir Guðmundur Sigvaldason sveitarstjóri í Hörgársveit. Dysnes er miðja vegu milli Hörgárósa og Hjalteyrar, skipulagssvæðið er nærri 60 hektarar. Eigendur landsins eru Hafnarsamlag Norðurlands og Hörgársveit.
Atvinnuþróunarfélag Eyjafjarðar fer fyrir tveggja ára átaki sem snýst um að gera Eyjafjörð betur sýnilegan fyrir þann fjölda fyrirtækja sem hyggja á stórfelldar framkvæmdir á norðurslóðum, til dæmis á Grænlandi. Guðmundur segir að skipulagsvinnan tengist vissulega þessu átaksverkefni.
Ég lít svo á að skipulagsvinnan sé mikilvæg í ljósi þess að skilgreindar lóðir undir nýja hafnsækna starfsemi eru einfaldlega ekki fyrir hendi við Akureyri og í mínum huga er þess ekki langt að bíða að óskað verður eftir landi og aðstöðu við Eyjafjörð vegna verkefna sem tengjast vinnslu verðmætra efna, segir Guðmundur sveitarstjóri.
Jákvæð viðbrögð
Þorvaldur Lúðvík Sigurjónsson framkvæmdastjóri Atvinnuþróunarfélags Eyjafjarðar segir að átaksverkefnið hafi farið vel af stað. Hann staðfestir að erlend fyrirtæki hafi lýst yfir áhuga á að fá aðstöðu á Dysnesi.
Við höfum kynnt svæðið fyrir innlendum og erlendum fjárfestum og fengið jákvæð viðbrögð. Innviðir Eyjafjarðarsvæðisins eru traustir, hérna er nánast öll sú þjónusta fyrir hendi sem þessi fyrirtæki þurfa á að halda. Allar aðstæður á Dysnesi benda til þess að þar sé hentugt að byggja upp öflugt iðnaðar-, athafna- og hafnarsvæði. Þess vegna teflum við m.a. fram Dysnesi sem hugsanlegum valkosti.
karleskil@vikudagur.is
Nýjast
-
Litaboltavöllur á tjaldsvæðinu
Skipulagsráð Akureyrar hefur tekið jákvætt í erindi frá Skúla Lórenz Tryggvasyni sem óskaði eftir svæði til að setja upp litaboltavöll (e. paintball). -
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl.
