Félagarnir Jón og séra Jón
Skipulagsmál á Akureyri. Hvað er hægt að segja? Eitt leiðarstef virðast þau þó eiga. Það er regla frekar en ekki að þau eru umdeild. Baldurshagi, Dalsbraut, Austurbrún, Oddeyrin, nýtt miðbæjarskipulag og svo má lengi telja. Allt eru þetta dæmi um skipulagsmál á Akureyri þar sem deilur hafa náð hæstu hæðum. Þá má ekki gleyma háværum mótbárum íbúa á ýmsum svæðum þegar lagðar eru fram tillögur um uppbyggingu á íbúa- og þjónustuúrræðum fyrir þá sem minna mega sín í okkar samfélagi.
En það er líka bara ágætt. Okkur á ekki að vera sama hvernig bærinn okkar þróast og við eigum að hafa á því skoðanir. Nærumhverfi okkar er það sem við höfum fyrir augunum hvern dag og þar sem við lifum og hrærumst. Samtöl og rökræður um ólíka kosti, breytingar eða engar breytingar eru eðlilegur þáttur þess að búa í lýðræðissamfélagi. En sem lýðræðissamfélag höfum við líka sett okkur ákveðnar grunnleikreglur. Þessar reglur hafa það m.a. að markmiði að tryggja sanngirni, gagnsæi og fyrirsjáanleika. Ólíkt skipulagsmálunum á Akureyri þá ríkir sátt um þessar reglur og við sem borgarar þessa lands göngum út frá því að stjórnvöld, ríki og bæir, leiki eftir þeim.
Það er því þyngra en tárum taki að sjá nýlega ráðstöfun meirihluta bæjarstjórnar Akureyrar í málinu um Tónatröð. Ekki vegna kynntra áforma um byggingamagn, hæð húsa, áhrif á rótgróna götumynd eða annað í þeim dúr. Umrædd áform eru enn á fullkomnum byrjunarreit og ber að skoðast sem slík. Það sem er sorglegt í málinu er að horfa upp á meirihluta bæjarstjórnar ákveða að úthluta verðmætum sem við bæjarbúar teljum okkur sameiginlega eiga í algeru trássi við áður nefndar leikreglur samfélagsins. Eins og fram hefur komið telur umræddur meirihluti réttlætanlegt að úthluta til eins aðila lóðum í eigu bæjarins þegar fyrir rétt þremur árum slíkri lóðaúthlutun til annars aðila var hafnað. Málsatvik og aðstæður í þessum tveimur málum eru svo gott sem algjörlega sambærileg. Okkar títtnefndu leikreglur samfélagsins, reglur sem tryggja eiga bæði jafnræði og gagnsæi, hafa einfaldlega verið settar til hliðar af nefndum meirihluta sem myndast hefur í bæjarstjórn Akureyrar um þetta tiltekna mál. Þeir félagar Jón og séra Jón koma hér aldeilis upp í hugann.
Í íþróttakappleik er ráðgert að leikmenn takist á og að við lok leiks standi annað liðið upp sem sigurvegari. En á meðan leik stendur er líka ráðgert að leikið sé eftir reglum leiksins. Það er ekki mikill sómi í því að bera sigur úr býtum í kappleik hafandi hundsað leikreglurnar.
-Höfundur er Akureyringur, eiginmaður, pabbi og fulltrúi Samfylkingarinnar í skipulagsráði Akureyrarbæjar
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir