Fagna því að hefja á lagningu hluta Dalsbrautar
„Umræður um fyrirhugaða lagningu Dalsbrautar og uppbyggingu Naustaskóla voru fyrirferðarmestar á fundinum," segir Bjarni Sigurðsson varaformaður hverfisnefndar Naustahverfis en aðalfundur ráðsins var haldinn nýverið. Gestir fundarins voru Eiríkur Björn Björgvinsson, bæjarstjóri, Oddur Helgi Halldórsson fomaður bæjarráðs, Inda Björk Gunnarsdóttir formaður félagsmálaráðs og Helgi Snæbjarnarson formaður skipulagsnefndar.
Bjarni segir að fundarmenn hafi fagnað þeim áformum bæjarstjórnar að bjóða út í vetur áfanga við lagningu Dalsbrautar og hefjast handa við gerð hennar með vorinu. Um er að ræða áfanga frá Miðhúsabraut og að Skógarlundi. Bjarni segir að fram hafi komið á fundinum að ætlunin væri að halda svo áfram með verkið og ljúka því á árinu 2012, þ.e. leiðinni frá Skógarlundi og út að Þingvallastræti.
Þá var ánægja fundarmanna síst minni þegar upplýst var að sá áfangi Naustaskóla sem eftir er að byggja yrði boðin út í vetur. Skólahald í Naustaskóla er nú fyrir nemendur upp í 8. bekk en nemendur í tveimur efstu bekkjum grunnskólans sækja sitt nám út fyrir hverfið. Gera mætti ráð fyrir að þröngt yrði í skólanum næsta vetur, en við það myndu menn sætta sig þar sem nýbygging væri í sjónmáli og ráðgert að taka hana í notkun haustið 2012.
Um 1.450 manns búa nú í Naustahverfi en í því fullbyggðu má gera ráð fyrir um 7.000 íbúum. „Þetta verður eitt af stærstu hverfum bæjarins þegar það verður fullbyggt," segir Bjarni og því skipti það sköpum fyrir áframhaldandi uppbyggingu að umferðartengingar við það séu góðar. „Þær verða að fá að þróast í eðlilegu framhaldi af öðrum hverfum bæjarins og vera í tengslum við þau en ekki einangrað úthverfi," segir hann. Því hafi fundarmönnum þótt ánægjulegt að heyra að til stæði að hefja framkvæmdir við lagningu Dalsbrautar.
Nýjast
-
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu.