Ellefu nýjar GSM sendistöðvar á landsbyggðinni
Á Norðausturlandi voru GSM sendar gangsettir á Gunnólfsvíkurfjalli, á Þórshöfn á Langanesi, Viðarfjalli í Þistilfirði, á Raufarhöfn, Snartarstaðanúpi á Melrakkasléttu og við Tjörnesvita. Með tilkomu sendanna er nú í fyrsta sinn komið GSM samband á stærstan hluta Tjörness og stór svæði á Melrakkasléttu. Vegfarendur um Öxafjarðarheiði geta einnig notað GSM síma á hluta heiðarinnar en þar til nú hefur ekkert GSM samband verið þar. Þá tryggja sendarnir örugga GSM þjónustu langt á haf út og á Sandvíkurheiði og Brekknaheiði.
Á sunnanverðum Vestfjörðum voru þrír sendar gangsettir um helgina, tveir í Arnarfirði og einn á Bíldudal. Sendarnir við Arnarfjörð tryggja GSM samband við fjörðinn og upp á Hrafnseyrarheiði en sendirinn á Bíldudal þjónustar kaupstaðinn auk þess að ná vel upp á Hálfdán - heiðina milli Bíldudals og Tálknafjarðar. Þá komst GSM samband á stóra hluta Dynjandisheiðar en þar er unnið að uppsetningu fjórðu sendistöðvarinnar á svæðinu. Gott samband er í Dynjandisvog og á Bíldudalsflugvelli.
Á Norðvesturlandi hafa nýir sendar í Varmahlíð og á Skagströnd þétt GSM sambandið verulega á umræddum svæðum og aukið gagnaflutningshraða, sem nýtist þeim skoða netið í GSM símanum eða í farímatengdri fartölvu.
GSM þjónustusvæði Vodafone hefur stækkað mikið á undanförnum mánuðum. Þjónustusvæðið er það stærsta sinnar tegundar á Íslandi og stækkar umtalsvert í hverjum einasta mánuði. Ekkert lát er á þeirri uppbyggingu, því þótt 62 nýir GSM sendar séu komnir í notkun á árinu er ráðgert að setja upp tæplega 80 senda til viðbótar á síðari hluta ársins. Vodafone er afar stolt af því, að hafa tekið frumkvæðið í uppbyggingu GSM þjónustu á landsbyggðinni og fest sig í sessi sem fjarskiptafélag fyrir fólk um allt land, segir í fréttatilkynningu.
Nýjast
-
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst."