Einelti og ungt fólk, netið og ábyrgð samfélagsins
Heimili og skóli - landssamtök foreldra, Liðsmenn Jerico, Olweusaráætlunin og Ungmennaráð SAFT í samstarfi við Símann, Velferðarráðuneytin þrjú, mennta- og menningarmálaráðuneytið, félags- og tryggingarmálaráðuneytið og heilbrigðisráðuneytið, Samband íslenskra sveitarfélaga og styrktaraðila hefja nú eineltisátak á landsvísu á 11 stöðum á landinu. Fundað verður í Árborg, á Ísafirði, í Reykjanesbæ, á Sauðárkróki, Akureyri, Grundarfirði, Fljótsdalshéraði, í Borgarbyggð, Vestmannaeyjum, á Höfn í Hornafirði og í Reykjavík tímabilið 14. september til 2. nóvember 2010.
Katrín Jakobsdóttir mennta- og menningarmálaráðherra mun opna fyrsta borgarafundinn í Árborg í kvöld og ávarpa fundargesti. Umfjöllunarefni borgara- og fræðslufundanna er einelti og ungt fólk, netið og ábyrgð samfélagsins. Leikhópar unglinga á þessum 11 stöðum munu undir handleiðslu leiklistarkennara eða leiðbeinanda setja upp leiksýninguna „Þú ert það sem þú gerir á netinu" eftir Elítuna og Rannveigu Þorkelsdóttur, og sýna í skóla á jafningjafræðslufundi á hverjum stað.
Um kvöldið verða opnir borgarafundir þar sem leikritið verður endurflutt og fyrirlesarar frá Heimili og skóla, Liðsmönnum Jerico og frá Olweusaráætluninni munu flytja erindi um einelti út frá sjónarhóli foreldra og þolenda auk þess sem rætt verður um þau úrræði sem í boði eru. Umræður verða að loknum framsöguerindum. Fundarstjórar verða bæjarstjórar eða fræðslustjórar í viðkomandi sveitarfélagi. Staðbundin dagskrá verður auglýst nánar og eru allir velkomnir. Ætlunin er að láta verkin tala.
Stöðvum einelti strax - borgarafundirnir eru hluti af áætlun þriggja ráðuneyta sem birtist í Greinargerð um mögulegar aðgerðir gegn einelti í skólum og vinnustöðum: http://www.menntamalaraduneyti.is/media/MRN-pdf/Einelti_-_Greinargerd_24_juni_2010_-_lokaskjal.pdf Fundirnir og leiksýningarnar verða viðkomandi skóla og bæjarfélagi algerlega að kostnaðarlausu.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.