Ég vil skýra og hnitmiðaða stjórnarskrá
Ég býð mig fram til Stjórlagaþings, endilega kynnið ykkur málefni mín. Ég hef samvisku og sannfæringu fram að færa til stjórnlagaþingsins og vilja að standa og falla með mínum ákvörðunum og áliti. Ég er óháður stundarhagsmunum, flokkum, félaga-samtökum og hagsmunahópum. Er einn af níumenningum, ákærður fyrir meinta ógnun við sjálfræði Alþingis í desember 2008.
Áherslur mínar eru:
Betra stjórnkerfi STRAX.
Ég vil skýra og hnitmiðaða stjórnarskrá, samda af þjóðinni fyrir fólkið í landinu á máli sem við öll skiljum.
Stjórnvöld skulu stefna að gera betur, fá aðhald og ekki streitast á móti þegar þau eru í röngu.
Auðlindir skulu í þjóðareigu og nýting þeirra skal vera sjálfbær!
Setja þarf ákvæði um lágmarks lífskjör. Mannréttindi verða að vera óháð efnahag!
Mannréttindi, tjáningarfrelsi, atvinnufrelsi, friðhelgi einkalífs og friðhelgi heimilis. Með skilgreiningu á friðhelgi heimilis, vil ég takmarka rétt fólks til að mótmæla við heimili fólks og þrengja að heimildir til að bera fólk út af heimilum sínum. Sálarlífs saklausra lántakanda jafnt sem "sekra" stjórnmálamanna og útrásarvíkinga ber að virða. Tryggja þarf grunndvallar mannréttindi landsmanna.
Ég vil leyfa fólkinu að taka þátt í stjórnun landsins þegar það óskar þess. Fólkið geti krafist þjóðaratkvæðisgreiðslu svo og lagt fram frumvörp.
Forsetinn á að vera málsvari og sameiningartákn almennings. Forsetinn hefur þegar vald til að koma með frumvörp og gæti unnið fyrir hönd almennings, fært löggjafavaldinu og framkvæmdavaldinu aðhald eftir óskum almennings.
Ef við eigum samleið, bið ég um stuðning þinn í komandi kosningu. Ég mun svara öllum spurningum í síma 8636965, eða með tölvupósti kolli.adall@gmail.com og gegnum Fésbókina.
Höfundur er frambjóðandi til stjórnlagaþings nr. 7143.
Nýjast
-
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu.