Dýrt að vera fátækur
Byggja þarf nýtt flughlað á Akureyrarflugvelli
Við höfum staðið í viðræðum við Vaðlaheiðargöng hf um að nýta efni úr Vaðlaheiðargöngum í nýtt flughlað, sem fyrirhugað er að setja upp norðan við núverandi flugstöðvarbyggingu á Akureyrarflugvelli. Nýtt flughlað kostar hátt í 800 milljónir króna, þar af kostar nærri 300 milljónir króna að koma efninu frá gangamunna á framkvæmdastað, segir Haukur Hauksson framkvæmdastjóri flugvalla- og mannvirkjasviðs Isavia. Fyrirtækið annast rekstur og uppbyggingu flugvalla landsins.
Nýju flughlaði er ætlað að þjóna stórum farþegaþotum sem lenda á Akureyrarflugvelli. Haukur segir núverandi flughlað of nærri flugbraut til að koma slíkum þotum fyrir og því brýnt að slíkt flughlað verði byggt.
Að okkar mati er hagstæðast að fá efnið úr göngunum, en staðan er einfaldlega sú að fjárhagurinn leyfir ekki að fara þessa leið sem stendur, þar sem fjármagn til framkvæmda er afar takmarkað og leyfir aðeins lágmarksviðhald á mannvirkjum í innanlandsflugvallakerfinu. Því lítur út fyrir að við getum ekki nýtt efnið, nema til komi sérstök fjárveiting. Við höfum bent fjárveitingavaldinu á þetta og að mínu viti liggur boltinn þar.
Haukur segir að taka þurfi nothæft efni úr námu á Eyjafjarðarsvæðinu, fáist ekki fjármunir til að nýta efni úr göngunum.
Ef ég þekki rétt til, hefjast gangaframkvæmdir á næsta ári. Þess vegna er svo mikilvægt að línur skýrist sem fyrst. Stórum þotum sem lenda á Akureyrarflugvelli hefur fjölgað nokkuð og aðstæður á vellinum eru ekki nógu góðar. Það liggur þess vegna fyrir að gera þarf nýtt flughlað og hagkvæmasta leiðin er að nýta efni úr göngunum, en það getur vissulega verið dýrt að vera fátækur.
Nýjast
-
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann.
