Chantel Jones best í kvennaflokki
Chantel Nicole Jones stóð sig frábærlega á milli stanganna í sumar hjá Þór/KA en óvíst er hvort hún verði áfram með liðinu.
Chantel Nicole Jones, markvörður Þórs/KA, var valin leikmaður ársins í kvennaflokki í lokahófi KSÍ sem fór fram í Hörpu í vikunni er sumarið í Pepsi-deild karla og kvenna í knattspyrnu var gert upp. Jóhann Gunnar Kristinsson var kjörinn þjálfari ársins, en hann gerði Þór/KA að Íslandsmeisturum í sumar á sínu fyrsta tímabili með liðið. Atli Guðnason var valinn besti leikmaður í karlaflokki og Heimir Guðjónsson besti þjálfarinn, báðir hjá FH. Efnilegustu leikmenn sumarins voru valin Jón Daði Böðvarsson Selfossi og Glódís Perla Viggósdóttir Stjörnunni.
Þeir leikmenn sem þóttu prúðastir í sumar voru Grétar Sigfinnur Sigurðarson KR og Anna Þórunn Guðmundsdóttir ÍBV. Dómarar ársins voru valdir þeir Gunnar Jarl Jónsson í karlaflokki og Ívar Orri Kristjánsson í kvennaflokki. Þá voru einnig valin stuðningsmannalið ársins, í karlaflokki var það Silfurskeiðin, stuðningsmenn Stjörnunnar, en í kvennaflokki stuðningsmenn Breiðabliks.
Í liði ársins í kvennaflokki átti Þór/KA fimm fulltrúa en liðið er þannig skipað: Chantel Nicole-Jones (Þór/KA), Arna Sif Ásgrímsdóttir (Þór/KA), Guðrún Arnardóttir (Breiðabliki), Anna B. Kristjánsdóttir (Stjörnunni), Gunnhildur Yrsa Jónsdóttir (Stjörnunni), Kayle Grimsley (Þór/KA), Danka Podovac (ÍBV), Katrín Ásbjörnsdóttir (Þór/KA), Fanndís Friðriksdóttir (Breiðablik), Sandra María Jessen (Þór/KA) og Elín Metta Jensen (Val).
Nýjast
-
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann.
