Björninn hafði betur gegn SA Jötnum í kvöld
Björninn hafði betur gegn SA Jötnum, 6:5, er liðin mættust í kvöld í Skautahöll Akureyrar á Íslandsmóti karla í íshokkí. Leikurinn var gríðarlega jafn og skemmtilegur. Björninn hafði þó ávallt frumkvæðið en Jötnarnir jöfnuðu leikinn jafnóðum. Það voru hins vegar Bjarnarmenn sem skoruðu sigurmarkið fjórum mínútum fyrir leikslok og tryggðu sér stigin þrjú. Staðan á Íslandsmótinu er því þannig að SA Víkingar, SA Jötnar og Björninn hafa öll þrjú stig en SR er án stiga. Björninn og SA Jötnar hafa leikið tvo leiki en SR og Víkingar einn leik.
SA Jötnar byrjuðu leikinn vel og Josh Gribben skoraði fyrsta mark leiksins eftir rúmlega tveggja mínútna leik. Bjarnarmenn jöfnuðu metin skömmu síðar og þar var að verki Daniel Vaiman. Staðan 1:1 eftir fimm mínútna leik og þannig stóðu leikar eftir fyrstu lotu.
Úlfur Andrésson kom gestunum yfir 2:1 með marki snemma í annarri lotu. Jötnarnir náðu að jafna metin um miðbik lotunnar og það gerði Sigurður Reynisson með skoti af stuttu færi. Staðan 2:2.
Björninn náði forystunni á nýjan leik þegar sjö mínútur voru til loka annarrar lotu. Jón Benedikt Gíslason fyrirliði Jötnana jafnaði metin fyrir heimamenn eftir glæsilegan sprett upp svellið og staðan 3:3. Sú staða endist ekki lengi því Björninn náði enn á ný að komast yfir með marki undir lokin. Áður en lotan var öll jöfnuðu Jötnarnir enn á ný metin og það gerði Orri Blöndal eftir fyrirgjöf frá Jóni Benedikt Gíslasyni. Flott sókn Jötnana og staðan jöfn, 4:4, fyrir þriðju og síðustu lotu.
Bjarnarmenn forystunni á nýjan leik þegar Matthías Sigurðsson kom gestunum yfir snemma í þriðju lotu. Jötnarnir voru ekki lengi að jafna metin og það gerði Björn Már Jakobsson og staðan 5:5 þegar stundarfjórðungur var eftir af leiknum og leikurinn stál í stál. Það var hins vegar Hjörtur Björnsson sem skoraði sigurmark leiksins fjórum mínútum fyrir leikslok.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.