Bjartsýnn á framtíð KA
Gunnlaugur Jónsson (t.v.) og Ingvar Gíslason aðstoðarþjálfari KA. Mynd/Sævar Geir.
Ég fer mjög sáttur frá félaginu. Þetta hafa verið skemmtileg og krefjandi tvö ár og ég held að báðir aðilar geti verið nokkuð sáttir með þennan tíma, segir Gunnlaugur Jónsson fráfarandi þjálfari knattspyrnuliðs KA. Hann sagði starfi sínu lausu á dögunum en hann tók við liðinu vorið 2010. Gunnlaugur hættir af persónulegum ástæðum en hann á fjölskyldu fyrir sunnan og aðstæður leyfðu ekki að hann flyttist með fjölskylduna norður. KA hafnaði í 3.-4. sæti í 1. deild karla í sumar með 33 stig, jafnmörg stig og Þróttur Reykjavík en lakara markahlutfall.
Við erum svekktir yfir að hafa ekki náð þriðja sætinu en við vorum hins vegar eina liðið sem gátum skákað Víkingi Ólafsvík þegar tvær umferðir voru eftir. Þegar rykið sest niður að þá held ég að við getum verið sáttir við þennan árangur eins og tímabilið þróaðist.
Mega Akureyringar eiga von á að sjá KA í úrvalsdeildinni á næstu árum?
Klúbburinn hefur alla burði til að vera í efstu deild. Ég fór í það að búa til nýtt lið þegar ég kom fyrir tveimur árum og eins og liðið er skipað í dag þarf ekki mikið til að gera alvöru atlögu að úrvalsdeildarsæti. Til þess að það takist þarf félagið að halda helstu burðarásunum í liðinu og helst að bæta 2-3 alvöru leikmönnum í viðbót á þá eru liðinu allir vegir færir.
Gunnlaugur segist reikna með að þjálfa áfram. Það er ekkert sem er hins vegar í hendi en nú er sá tími að fara gang að maður fer að skoða hlutina.
Margir hafa haft samband við KA og líst yfir áhuga á að taka við starfinu en félagið mun kynna nýjan þjálfara til leiks í næstu viku.
Nýjast
-
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann.
