Bæjarfulltrúar með 1,5 upp í ríflega 5 milljónir króna fyrir störf sín
Hermann Jón Tómasson, Samfylkingu fékk mest greitt, ríflega 5,3 milljónir króna, en hann situr í bæjarstjórn, bæjarráði, framkvæmdaráði, Sorpsamlagi Eyjafjarðar, stjórnsýslunefnd, skipulagsnefnd og var einnig í verkefnahópum um fimleika- og íþróttahús Giljaskóla, um Naustaskóla, um Þórssvæðið og um gólf íþróttahúsa. Næst á eftir kemur Elín Margrét Hallgrímsdóttir, Sjálfstæðisflokki með rúmlega 5,1 milljón króna í laun. Hún situr í bæjarstjórn, bæjarráði, framkvæmdaráði, skólanefnd, stjórn Akureyrarstofu, auk þess sem hún var í starfshópi um vinabæjarsamstarf, verkefnislið um Naustaskóla og sat aðalfund Eyþings. Þriðji launahæsti bæjarfulltrúinn var Hjalti Jón Sveinsson, Sjálfstæðisflokki með tæplega 4 milljónir króna í laun á liðnu ári. Hann er í bæjarstjórn, bæjarráði, framkvæmdaráði, náttúruverndarnefnd, umhverfisnefnd og í verkefnalið vegna fimleika- og íþróttahúss Giljaskóla. Baldvin Sigurðsson, Vinstri grænum fékk 3,5 milljónir í laun og Jóhannes Gunnar Bjarnason 3,2 milljónir, þá voru þau Oddur Helgi Halldórsson, og Sigrún Stefánsdóttir með ríflega 3 milljónir króna, Kristján Þór Júlíusson með um 2,3 milljónir. Þær Kristín Sigfúsdóttir, Vinstri grænum og Helena Þuríður Karlsdóttir, Samfylkingu fengu um 1,7 milljón í laun fyrir störf sín á vegum bæjarstjórnar og Sigrún Björk Jakobsdóttir, bæjarstjóri, Sjálfstæðisflokki fékk um 1,5 milljónir fyrir setu í bæjarstjórn og bæjarráði, menningarmálanefnd og verkefnislið Naustaskóla.
"Ég hef áður óskað eftir upplýsingum af þessu tagi, en ekki með formlegum hætti. Mér finnst að bæjarbúar eigi að vita hvað bæjarfulltrúar fá greitt fyrir sín störf. Þessi mál eiga að vera uppi á borðinu og ég var fráleitt að óska eftir þessum gögnum af því ég taldi eitthvað glæpsamlegt í gagni," segir Oddur Helgi. Hann segir fátt hafa komið á óvart, greinilegt sé þó að meirihlutaflokkarnir skipti embættum misjafnlega á milli bæjarfulltrúa sinni; sumir sitji í mörgum nefndum og ráðum, aðrir færri og beri þannig misjafnlega mikið úr býtum. "Fyrst þegar ég tók sæti í bæjarstjórn fannst mér ég fá vel borgað fyrir þessi störf, en það er löngu liðin tíð. Þessu fylgir mikið álag og fjarvera frá vinnu svo eitthvað sé nefnt," segir Oddur Helgi.
Í umræddum tölum eru einnig laun sem féllu til síðustu tvær vikurnar árið 2006 og þá er um að ræða heildarlokatölu vegna setu í ýmsum verkefnahópum, sem að einhverju leyti hófst einnig það ár.
Nýjast
-
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst."