Arnheiður ráðin framkvæmdastjóri Markaðsstofu Norðurlands
Arnheiður Jóhannsdóttir.
Stjórn Markaðsstofu Norðurlands hefur ráðið Arnheiði Jóhannsdóttur í starf framkvæmdastjóra frá næstu áramótum. Arnheiður tekur við starfinu af Ásbirni Björgvinssyni sem hefur gegnt því frá árinu 2008. Arnheiður útskrifaðist sem rekstrarfræðingur frá Háskólanum á Akureyri árið 1999 og lauk ári síðar mastersprófi í alþjóðamarkaðsfræði frá The University of Strathclyde í Glasgow í Skotlandi. Hún starfaði sem ráðgjafi hjá KPMG Ráðgjöf á árunum 2000-2003 og var verkefnastjóri hjá Nýsköpunarmiðstöð Íslands2003-2011 en hefur síðan leitt uppbyggingu Air 66N flugklasans hjá Markaðsstofu Norðurlands.
Tækifæri í aukinni vetrarferðamennsku
Við eigum tækifæri í aukinni vetrarferðamennsku og höfum fundið fyrir vaxandi áhuga samhliða aukinni fjölbreytni í flugsamgöngum til landsins. Þar má nefna t.d. Bandaríkjamarkað og Rússland. Þaðan koma ferðamenn sem eru vanir vetrarferðamennsku og Ísland er nýr og spennandi valkostur fyrir þá. Hér á Norðurlandi höfum við áhugaverða náttúru að vetrinum, norðurljósin, jólasveinana, að ógleymdri svæðisbundinn matarmenningu sem ég tel að við getum í notfært okkur enn frekar í því augnamiði að laða til okkur erlenda ferðamenn á veturna," segir Arnheiður.
"Við getum líka nýtt okkur menningu og sögu í þessu markaðsstarfi og marga fleiri þætti. Og síðast en ekki síst þurfum við í öllu okkar markaðsstarfi að vera sívakandi fyrir tækifærum sem opnast með nýrri samskiptatækni, samskiptamiðlum á netinu og þannig mætti áfram telja.
Ég tel líka mikilvæga áherslu á komandi árum að efla þau svæði á Norðurlandi sem standa fjær ásóknarmestu ferðamannastöðunum, fá ferðafólk þannig til að staldra lengur við á Norðurlandi. Með lengri dvalartíma skila ferðamennirnir okkur meiri tekjum en þó svo að við leggjum áherslu á að styrkja vetrarferðamennskuna þá verður áherslan engu að síður líka áfram á sumartímann. Markmiðið er að fá beint millilandaflug í framtíðinni en við sjáum líka nú þegar mikinn ávinning af tengifluginu við Keflavíkurflugvöll. Verkefni Markaðsstofu Norðurlands á komandi árum eru því í senn mörg og fjölbreytt, segir hún.
Arnheiður hefur jafnframt verið stundakennari í markaðsfræðum við viðskiptadeild Háskólans á Akureyri frá árinu 2006. Í uppbyggingu flugklasans Air66N hefur Arnheiður stýrt kynningum og samningum við samstarfsaðila, fjármögnun klasans, markaðssetningu á Norðurlandi og Akureyrarflugvelli og öðrum þeim áherslum sem styðja það meginmarkmið Air 66N að koma á reglubundnu millilandaflugi um Akureyrarflugvöll. Hún segir þetta verkefni áfram verða eitt það stærsta í starfi Markaðsstofu Norðurlands en margar aðrar áherslur séu mikilvægar á komandi misserum og árum á þeirri leið að styrkja norðlenska ferðaþjónustu enn frekar.
Um MN
Markaðsstofa Norðurlands (MN) hefur starfað frá árinu 2003 og er hún samstarfsvettvangur Norðurlands í ferðamálum. Helsta hlutverk MN er að samræma markaðs- og kynningarmál norðlenskrar ferðaþjónustu gagnvart innlendum og erlendum ferðamönnum. Skrifstofa MN er á Akureyri og eru starfsmenn MN og Air 66N fjórir talsins.
Nýjast
-
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann.
