Árleg Fífilbrekkuhátíð að Hrauni á laugardag
Hraun í Öxnadal.
Menningarfélagið Hraun í Öxnadal heldur árlega Fífilbrekkuhátíð að Hrauni laugardaginn 9. júní næstkomandi. Um morguninn efna Ferðafélagið Hörgur og Ferðafélag Akureyrar til gönguferðar á Halllok sem er norðurendi Drangafjalls, utan við Hraundranga. Fjallið er 990 m hátt og ferðin gæti tekið fjóra tíma. Mæting við Hraun kl. 09:00 og eru allir velkomnir með réttan klæðnað og nesti. Klukkan 13:00 hefst stutt dagskrá á Hrauni, en þar var lengst af einungis rafmagn frá heimarafstöð. Hraun tengdist raforkukerfi landsins fyrst árið 2007 og var heimarafstöðin þá aflögð. Nemendur Verkmenntaskólans á Akureyri hafa nú gert upp rafstöðina og mun oddviti Hörgárbyggðar setja hana formlega í gang. Nemendum VMA mun verða þakkað verkið á viðeigandi hátt.
Þórhildur Örvarsdóttir mun syngja nokkur Jónasarlög og almennur söngur verður við harmonikkuundirleik Harðar Kristinssonar. Fjallað verður um orðasmíð Jónasar Hallgrímssonar, en hann var einn ötulasti nýyrðasmiður Íslandssögunnar. Kaffisopi verður á boðstólum og eru allir velkomnir þeim að kostnaðarlausu.
Nýjast
-
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“. -
Félag eldri borgara á Akureyri sækir um lóðir við Þursaholt Hafnað því ekki er búið að ákveða hvernig á að úthluta lóðunum
Akureyrarbær hefur ekki tekið ákvörðun um hvernig lóðum við Þursaholt verður úthlutað. Umsókn Félags eldri borgara á Akureyri, EBAK sem sótti um lausar lóðir á svæðinu var því hafnað. -
Ofurþéttingarárátta samtímans
Skipulagsráð Akureyrarbæjar hefur lagt til að bæjarstjórn samþykki tillögu að breytingu á aðalskipulagi 2018-2030. Í greinargerð segir að gert sé ráð fyrir að uppbygging hefjist fyrst á svokölluðum Tjaldsvæðisreit auk þess sem unnið verði að undirbúningi uppbyggingar til blandaðrar landnotkunar á Akureyrarvelli. -
Fyrsta beina flug sumarsins til Amsterdam
Í dag er fyrsta beina flug sumarsins til Amsterdam, en það er á vegum Verdi Travel og Transavia Flogið verður vikulega á fimmtudögum, til 14. ágúst n.k. -
Ríkið tekur – landsbyggðirnar fá minna
Hjálmar Bogi Hafliðason skrifar -
Þegar samfélagið þagnar
Benóný Valur jakobsson skrifar -
Fólk greiðir hundruð þúsunda í dvalarkostnað vegna heilbrigðisþjónustu
Aðalfundur Krabbameinsfélagsins skorar á heilbrigðisráðherra að endurskoða greiðsluþátttöku vegna sjúkradvalar innanlands og tryggja, til dæmis með greiðsluþaki, að kostnaður sjúklings og aðstandenda vegna nauðsynlegrar dvalar á sjúkrahóteli sligi ekki fólk af landsbyggðinni. -
Óvissustig enn í gildi á Norðurlandi eystra
Lögreglan á Norðurlandi eystra sendi fyrr i kvöld frá sér eftirfarandi athugasemd: -
Teikning sem lyftistöng fyrir minni og líðan
Listmeðferð hefur á undanförnum árum vakið aukna athygli sem áhrifarík aðferð til að bæta líðan og efla nám. Ein af frumkvöðlum á þessu sviði er Dr. Unnur Óttarsdóttir, listmeðferðarfræðingur og rannsakandi, sem hefur þróað og kennt listmeðferð í yfir þrjá áratugi.