Andspyrna ryður sér til rúms í Eyjafirði
Jón Hrói Finnsson (t.v.) og Sölvi Fannar Sigmarsson. Mynd: Embla Björk.
Andspyrna, eða ástralskur fótbolti, hefur verið að ryðja sér til rúms á Íslandi undanfarin ár en lítil hefð hefur verið fyrir þessari íþrótt hér á landi. Nokkrir félagar á Akureyri og á Svalbarðsströnd tóku sig saman í vor og hófu æfingar þrisvar í viku en þeir Sölvi Fannar Sigmarsson, Jón Hrói Finnsson og Þorgils Guðmundsson eru upphafsmenn þessarar íþróttar hér á Akureyri.
Við erum fimm til sex sem mætum reglulega á æfingar en við þurfum fleiri. Stefnan er að stofna deild innan KA eða Ungmennafélagsins Æskunnar á næstunni en til þess þurfum við meiri mannskap, segir Sölvi. Jón Hrói kynntist andspyrnunni í Danmörku þar sem hann bjó í tíu ár. Hann lék um árabil með tveimur félagsliðum þar í landi og var einnig að þjálfa. Hann segir andspyrnu vera íþrótt sem eigi vel við Íslendinga.
Ég held að þessi íþrótt geti vel náð vinsældum hér á landi. Þetta er svona íþrótt þar sem karlmenn fá að vera karlmenn og það virðist eiga vel við íslendinga segir Jón Hrói í léttum tón. Íþróttin heitir á ensku Australian Rules Football og hóf göngu sína hér á landi í Kópavogi fyrir þremur árum. Ástralskur fótbolti er spilaður á sporöskjulaga velli með sporöskjulaga bolta. Fjórir stólpar við hvorn enda vallarins mynda mörkin. Íþróttin minnir um margt á rúgbý og amerískan fótbolta en er þó töluvert frábrugðin þeim báðum.
Við megum t.d. ekki kasta boltanum heldur verðum að kýla hann áfram eða sparka honum. Í rúgbý byrja leikirnir einnig þannig að allir eru á sama punktinum í einni kös en í andspyrnu er dómarakast í byrjun þar sem tveir leikmenn stökkva upp og reyna að ná boltanum. Það er svona svipað og þegar körfuboltaleikur er að byrja. Svo eru menn út allan völl að reyna að ná boltanum og koma honum í markið, segir Sölvi.
Marblettir hér og þar
Það er mikið tekist á í andspyrnu og mega þátttakendur búast við því að fá marbletti hér og þar. Það eru voðalega fáar reglur um hvað má gera og hvað ekki í sambandi við snertingu. Menn eru samt ekkert að meiðast neitt alvarlega en ég gerði eflaust mín gáfulegustu kaup í langan tíma þegar í keypti mér tannhlíf á dögunum, segir Sölvi léttur.
En það er mikilvægt að eiga tannhlífarnar ef menn ætla að stunda þetta að einhverju ráði. Tvö andspyrnulið eru fyrir sunnan og segist Sölvi vonast til þess að þriðja liðið, sem yrði á Akureyri, bætist fljótlega í hópinn. Um leið og maður fær smá hóp er hægt að fara að gera þetta almennilega og þetta verður miklu skemmtilegra. Við stefnum að því að spila okkar fyrsta leik um miðjan ágúst.
Sölvi hvetur áhugasama að koma og prófa en æfingar eru þrisvar í viku; á Svalbarðseyri kl. 20:30 á mánudögum og miðvikudögum og kl. 20:00 á föstudögum á KA-svæðinu. Áhugasamir geta haft samband við Sölva Fannar í síma 843-0790 eða Jón Hróa í síma 840-9330.
Nýjast
-
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum. -
Magnaði Mendelssohn
Felix Mendelssohn (Bartholdy) er talinn hafa verð einn mesti tónsnillingur allra tíma. Undrabarn sem á sinni stuttu 38 ára æfi samdi eina fallegustu tónlist veraldar. Jafnvel önnur tónskáld kölluð hann "hinn nýja Bach" m.a. Liszt, Schumann og Berlioz. -
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“.
