Akureyringar betur bólusettir
Við höfum verið að greina inflúensutilfelli síðan um áramót í hægt vaxandi takti, en sem betur fer er ekki sama krísuástandið hjá okkur og í Reykjavík, segir Þórir V. Þórisson yfirlæknir á Heilsugæslustöðinni á Akureyri.
Hin árlega inflúensa er farin að stinga sér niður og búast má við að hún gangi yfir á næstu vikum. Bólusetningin í haust var með svipuðu móti og fyrri ár, um 2300 manns á svæði HAK létu bólusetja sig.
Áhersla er lögð á að þeir sem teljist hafa áhættusjúkdóma svo sem hjarta- og lungnasjúkdóma, bælt ónæmiskerfi og fleira láti bólusetja sig á haustin. Ennþá er mögulegt að láta bólusetja sig og er fólki bent á að hafa samband við heilsugæslustöðina og panta þar tíma.
Þórir segir að læknum á stöðinni sýnist tíðnin vera mest meðal ungra barna, tveggja til fjögurra ára. Enginn var inniliggjandi vegna inflúensu á Sjúkrahúsinu á Akureyri en einn nýlega útskrifaður. Ekki kvaðst Þórir hafa af því spurnir að inflúensa hefði áhrif á atvinnustarfsemi í bænum þannig að greinilega hefur hún ekki stungið sér niður af sömu ákefð og syðra, nema Akureyringar séu svona miklu betur bólusettir en Reykvíkingar, segir hann.
Nýjast
-
Heilbrigðiskerfið í bakkgír
Velferðarnefnd hefur haft til umfjöllunar nú í vor frumvarp til laga um breytingar á lögum um sjúkratryggingar. Yfirlýst markmið þessa frumvarps er að stytta þann tíma sem tekur að bjóða upp á nauðsynlega heilbrigðisþjónustu og þar með tiltekna meðferð. Á meðal þeirra breytinga sem lagðar eru til er að fest verði í lög ákvæði um greiðsluþátttöku fyrir læknismeðferð erlendis vegna biðtíma hér á landi. -
SAk tryggt fé til kaupa á heilaörvunartæki
Heilbrigðisráðherra hefur tryggt fjármagn sem gerir Sjúkrahúsinu á Akureyri (SAk) kleift að innleiða heilaörvunarmeðferð einstaklinga með meðferðarþrátt þunglyndi. Áætlað er að á upptökusvæði SAk séu um 240 einstaklingar sem gætu nýtt sér slíka meðferð árlega. Rannsóknir sýna að meðferðin skilar miklum árangri, eða um 60-70% í hópi einstaklinga sem þjást af meðferðarþráu þunglyndi en hafa lítið gagn af hefðbundinni meðferð, s.s. lyfjum og hugrænni atferlismeðferð. -
Framsýn og FSH skrifa undir nýjan kjarasamning
Stjórnendur Framsýnar og Framhaldsskólans á Húsavík hafa undanfarið átt í viðræðum um nýjan stofnanasamning fyrir starfsmenn skólans sem starfa eftir kjarasamningi félagsins. Viðræðurnar gengu mjög vel og kláruðust þær í gærmorgun með undirskrift aðila. -
Akureyri Open í frisbígolfi fór fram um helgina
Um helgina fór fram Gull- og Silfurmótið Akureyri Open í boði Sportver. Mótið var haldið af Frisbígolffélagi Akureyrar og fór fram á frisbígolfvellinum við tjaldstæðið á Hömrum. Keppnin stóð yfir í þrjá daga og tóku 83 keppendur þátt víðsvegar að af landinu. Þrátt fyrir að veðrið hafi ekki verið upp á sitt besta létu keppendur það ekki trufla sig og stemningin var frábær alla helgina. -
Hvers vegna öll þessi leynd? - Breytingar á skipulagi forvarnar- og frístundamála
Það var dularfull stemning í aðdraganda þess að ræða átti trúnaðarmál bæði í fræðslu- og lýðheilsuráði og í bæjarráði þann 22. maí sl. Ekki lá fyrir hvað ætti að ræða og engin gögn voru lögð fram fyrir fundinn. Á fundi bæjarráðs var svo tilkynnt að „ákvörðun hefði verið tekin“ um að leggja niður núverandi skipulag forvarna- og frístundamála hjá Akureyrarbæ. Átti að tilkynna starfsfólki breytingarnar síðar sama dag. -
Tveimur ferskum verkum í Pastel ritröð fagnað í Sigurhæðum
Á fimmtudag 12. júní klukkan fimm verður tveimur splunkunýjum verkum eftir tvo frábæra og ólíka listamenn í Pastel ritröð fagnað í Sigurhæðum á Akureyri. -
Hundakvöld á Listasafninu á Akureyri
Fimmtudaginn 12. júní mun Listasafnið á Akureyri bjóða hunda og eigendur þeirra velkomna á sérstakt hundakvöld. Opið verður frá kl. 19 til 22 og ókeypis inn fyrir eigendur í fylgd hunda -
Íbúum fjölgar á Norðurlandi eystra
Samkvæmt tölum úr Þjóðskrá fjölgaði fólki á Norðurlandi eystra frá 1 des. sl. til 1 júni s.l um 157 manns eða um 0,5%. Þetta er sama fjölgun og var á landsvísu á sama tima. -
atNorth ræður tvo nýja stjórnendur
Gagnavers- og ofurtölvufyrirtækið atNorth hefur ráðið Bjarka Björnsson sem forstöðumann fjármögnunar og fjárstýringar og Axel Valdemar Gunnlaugson í starf forstöðumanns upplýsingatækni.
