Akureyri lagði Aftureldingu að velli með fimm marka mun
Norðanmenn komust fljótlega í gang en leikurinn var jafn og mest allan fyrri hálfleikinn munaði aldrei meira en tveimur mörkum. Heimamenn náðu ágætis endaspretti og höfðu þriggja marka forystu í hálfleik, 15:12, í annars jöfnum fyrri hálfleik.
Akureyri byrjaði seinni hálfleikinn af krafti og náði átta marka forystu í stöðunni 21:13, en það tók gestina um níu mínútur að komast á blað í seinni hálfleik. Norðanmönnum gekk þó illa að hrista gestina af sér sem gáfust ekki upp og náðu að minnka muninn í þrjú mörk þegar fjórar mínútur voru til leiksloka en Akureyringar hleyptu gestunum ekki nær og lönduðu fimm marka sigri, 28:23.
Bjarni Fritzson virðist kunna afar vel við sig hjá liði Akureyrar en annan leikinn í röð var hann markahæsti leikmaður liðsins með 9 mörk, þar af 4 úr vítum. Guðmundur Hólmar Helgason og Oddur Gretarsson skoruðu báðir 5 mörk og þeir Hörður Fannar Sigþórsson og Geir Guðmundsson komu næstir með fjögur mörk hvor. Sveinbjörn Pétursson stóð allan tímann á milli stanganna í liði Akureyrar og varði 16 skot, þar af 2 víti.
Í liði Aftureldingar var það Arnar Theódórsson sem var atkvæðamestur með 5 mörk, Ásgeir Jónsson skoraði 4 mörk og þeir Eyþór Vestmann og Bjarni Aron Þórðarson skoruðu þrjú mörk hvor. Hafþór Einarsson stóð sig ágætlega á sínum gamla heimavelli og varði 8 skot fyrir Aftureldingu, en Smári Guðfinnsson varði 2 skot.
Eftir fyrstu tvær umferðirnar hefur Akureyri fullt hús stiga eða fjögur stig og vermir toppsætið. Afturelding er hins vegar án stiga.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.