Akureyri áfram á sigurbraut eftir sigur gegn Selfyssingum
Geir Guðmundsson var í aðalhlutverki í sóknarleik Akureyrar en hann skoraði fyrstu fimm mörk heimamanna úr fimm skotum. Akureyri náði mest fimm marka forystu í fyrri hálfleik en Selfyssingar voru ekki á því að leggja árar í bát og skoruðu þrjú síðustu mörkin í hálfleiknum og minnkuðu muninn í þrjú mörk. Ragnar Jóhannsson hélt sóknarleik Selfyssinga uppi í fyrri hálfleik með sjö mörk. Staðan 15:13 þegar flautað var til leikhlés.
Selfyssingar komu heimamönnum á óvart í upphafi seinni hálfleiks með því að spila maður á mann vörn. Virkilega athyglisvert og sló það norðanmenn útaf laginu og gestirnir minnkuðu muninn í eitt mark. Akureyringar voru þó fljótir að taka við sér aftur og náðu fljótlega þriggja marka forystu. Selfyssingar náðu að minnka muninn í tvö mörk um miðjan seinni hálfleik en nær komust þeir ekki og heimamenn náðu fimm marka forystu þegar fjórar mínútur voru eftir og sigurinn gott sem tryggður. Lokatölur 34:29.
Mörk Akureyrar: Bjarni Fritzson 9, Geir Guðmundsson 8, Oddur Gretarsson 5, Guðlaugur Arnarsson 4, Guðmundur Hólmar Helgason 4, Hörður Fannar Sigþórsson 2, Heimir Örn Árnason 2.
Varin skot: Sveinbjörn Pétursson 24, Stefán Guðnason 1 (víti)
Mörk Selfyssinga: Ragnar Jóhannsson 9 (2), Guðjón Drengsson 9,Árni Steinn Steinþórsson 4, Atli Kristinsson 3, Einar Héðinsson 3, Ómar Helgason 1, Helgi Héðinsson 1, Gunnar Ingi Jónsson 1.
Varin skot: Birkir Bragason 10.
Nýjast
-
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu.