Akureyri á toppinn eftir sigur á Haukum í Höllinni
Gríðarleg stemmning var í Höllinni í kvöld og um 800 manns létu vel í sér heyra. Akureyri er með sigrinum komið í toppsæti deildarinnar með 8 stig, þar sem FH á ekki leik fyrr en á laugardag en Akureyri hefur unnið alla fjóra leiki sína deildinni. Haukar hafa 4 stig í fjórða sæti. Það tók norðanmenn þó rúmar fjórar mínútur að komast á blað í leiknum í kvöld.
Markverðir beggja liða voru í aðalhlutverki á upphafsmínútunum og staðan 1:1 þegar rétt tæpar tíu mínútur voru búnar af leiknum. Leikurinn var afar jafn framan af en norðanmenn leiddu með einu til tveimur mörkum. Akureyri náði svo þriggja marka forystu þegar fyrri hálfleikur var rúmlega hálfnaður, 8:5 og leiddi með tveimur mörkum í hálfleik, 12:10.
Haukar komu sterkir inn í seinni hálfleikinn. Birkir Ívar Guðmundsson var kominn á milli stanganna og varði 2 skot í byrjun, þar af 1 vítakast og Haukur jöfnuðu 12:12. Akureyri var þó ávallt skrefinu á undan í leiknum og norðanmenn náðu þriggja marka forystu á ný, 17:14, um miðjan hálfleikinn. Haukar náðu mest að minnka muninn í tvö mörk og norðanmenn léku á alls oddi síðustu mínúturnar, þó enginn betur en markvörðurinn Sveinbjörn Pétursson, sem fór hreinlega á kostum og átti stóran þátt í sex marka sigri Akureyrar. Lokatölur 25:19.
Bjarni Fritzson var sem oft áður markahæstur í liði Akureyrar með 8 mörk, þar af 1 úr víti. Oddur Gretarsson skoraði 6 mörk, þar af 1 úr víti, Heimir Örn Árnason 5 mörk og Geir Guðmundsson kom honum næstur með 4 mörk. Sem fyrr segir átti Sveinbjörn Pétursson stórleik í marki Akureyrar og varði 22 skot.
Í liði Hauka var það Þórður Rafn Guðmundsson markahæstur með 5 mörk, þar af 3 úr víti, og þeir Björgvin Þór Hólmgeirsson og Freyr Brynjarsson komu næstir með 3 mörk. Aron Rafn Eðvarðsson stóð á milli stanga Haukamanna í fyrri hálfleik og varði 10 skot. Birkir Ívar Guðmundsson leysti hann af í seinni hálfleik með fínni innkomu en hann varði einnig 10 skot.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.