Aðeins tekið við umbúðum sem uppfylla reglur um skilagjald
Móttökustaður fyrir drykkjarumbúðir á Akureyri hefur verið fluttur frá Endurvinnslunni við Réttarhvamm, til Plastiðjunnar Bjargs Iðjulundar (PBI), að Furuvöllum 11. Um er að ræða húsnæði í eigu Endurvinnslunar, sem er rétt neðan við húsnæði PBI og er það vel merkt að utan. Þar er eingöngu tekið á móti áldósum, plastflöskum og glerflöskum sem uppfylla reglur um skilagjald. Talsverðar breytingar fylgdu þessum vistaskiptum en drykkjarílátin eru nú flokkuð í tveimur flokkunarvélum hjá PBI.
Svolítið hefur borið á því bæjarbúar að misskilji hlutina en að Furuvöllum 11 er einungis tekið við drykkjarílátum með skilagjaldi, að sögn Ólafar Elfu Leifsdóttur forstöðumanns PBI. Hún segir að fólk sé að koma með alls kyns hluti sem þar eigi ekki heima. Það á ekki að koma hingað með útvörp, sultukrukkur og allslags flöskur og ílát utan af öðru en áfengi, gosdrykkjum og vatni, segir Ólöf.
Hún segir að umbúðir sem búið er að beygla eða kremja þurfi að vera flokkaðar sérstaklega og þá geti fólk lent í því að þurfa að bíða í röð. Það sem er óbeyglað, fari hins vegar óflokkað í sjálfvirkar talningavélar og er sú leið mun fljótvirkari.
Ólöf segir að starfsemin sé komin í fullan gang en þarna eru dósir og flöskur jafnframt pressaðar í sérstökum vélum til flutnings. Á meðan afgreiðslan er opin, eru að 6-7 manns að störfum í einu. Við tökum talningaprufur af því sem kemur frá Austurlandi og af öllu Norðurlandi og göngum frá því. Hér er allt talið í talningavélunum, eða á vog, hvort sem það beyglað eða óbeyglað. Svo fær fólk strimla með strikamerki, sem er skannað inn og greitt beint inn á kort viðkomandi. Við greiðum aðeins með peningum ef upphæðin er undir 2.000 krónum. Það er frekar að ungir krakkar eigi ekki kort og það er hugsunin á bak við það að greiða minni upphæðir út með peningum, segir Ólöf.
Nýjast
-
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum. -
Magnaði Mendelssohn
Felix Mendelssohn (Bartholdy) er talinn hafa verð einn mesti tónsnillingur allra tíma. Undrabarn sem á sinni stuttu 38 ára æfi samdi eina fallegustu tónlist veraldar. Jafnvel önnur tónskáld kölluð hann "hinn nýja Bach" m.a. Liszt, Schumann og Berlioz. -
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“.
