150 ár afmælisrit Akureyrar
Jón Hjaltason með bókina sem fjallar um afmælisbarnið Akureyri.
Bókin, Þekktu bæinn þinn, er nú komin í verslanir en um er að ræða afmælisrit Akureyrarkaupstaðar sem fagnar 150 ára afmæli sínu ár. Í stuttum og hnitmiðuðum textum er sagt frá sérkennum afmælisbarnsins, lesandinn er leiddur um götur og hverfi bæjarins og þar sem staðhættir krefjast er kafað í söguna til að útskýra nútímann sem er í brennipunkti. Um 500 ljósmyndir, allar frá þessari öld og margar teknar úr lofti, varpa skemmtilegu ljósi á afmælisbarnið og verða er tímar líða einstæð heimild um Akureyri í byrjun 21. aldar.
Bókin er einkar falleg og veglegt afmælisrit, nokkuð á þriðja hundrað blaðsíður að lengd, í stóru broti og innbundin, allar ljósmyndir eru í lit, og vandað er til prentunar og frágangs í hvívetna, eins og sæmir afmælisbarninu. Ritstjóri og aðalhöfundur er sagnfræðingurinn Jón Hjaltason. Aðrir höfundar eru Hallgrímur Indriðason skógræktarfræðingur, Helgi Laxdal vélstjóri, Lárus Zophoníasson, amtsbókavörður, Tryggvi Gíslason, fyrrverandi skólameistari, Valdimar Gunnarsson, kennari við Menntaskólann á Akureyri og Þorsteinn Þorsteinsson, starfsmaður íþróttamiðstöðvarinnar í Hrísey. Útgefandi er Völuspá útgáfa í samvinnu við Akureyrarkaupstað.
Saga Lystigarðs Akureyrar
Þá er einnig komin út bókin, Konur gerðu garðinn-Saga Lystigarðs Akureyrar 1912-2012, og er rituð af landslagsarkitektinum, Ástu Camillu Gylfadóttur. Meðhöfundur er Björgvin Steindórsson forstöðumaður Lystigarðsins. Mjög ítarlega er farið í upphafið, hvernig garðurinn varð til og þá miklu sjálfboðavinnu er konurnar lögðu á sig til að gera drauminn um skrúðgarð handa Akureyringum að veruleika.
Í þessari einstaklega fallegu bók er í fyrsta skiptið sögð saga garðsins sem hefur á liðnum áratugum aukið hróður bæjarins og í raun verið eitt helsta aðdráttarafl hans fyrir ferðamenn, sem ekki hafa trúað sínum eigin augum á göngu um garðinn. Ótal ljósmyndir, er prýða bókina, sýna ástæðu vantrúar ferðamannsins. Þetta er sannkölluð Paradís, sagði einn þeirra, og fleiri hafa tekið undir.
Nýjast
-
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins.
