Fríið sem gleymdi að byrja
Elísabet Ýrr Steinarsdóttir og Hildur Inga Magnadóttir skrifa
,,Hey, eigum við að fara á fætur? Getum við farið út í skóg? Mig langar svooo mikið að fara að leita að ormum. Eigum við að finna prik?”
Það getur verið erfitt fyrir foreldra að fá þetta spurningaflóð klukkan 6 að morgni á fyrsta degi sumarfrísins. Mögulega alls ekki í samræmi við þær væntingar sem þeir höfðu til frísins.
Hvort sem sumarfríið er tekið heima eða að fjölskyldan fari í ferðalag þá eru sumrin ekki endilega hvíld fyrir foreldra, að minnsta kosti ekki ef börn eru á heimilinu.
Dagarnir þurfa ekki að vera stútfullir af skemmtun eða að innihalda stífa dagskrá. Það getur verið hollt fyrir börn að leiðast og að hafa ekki of mikið fyrir stafni. Þegar foreldrar átta sig á því getur pressan á að koma með hugmyndir að verkefnum og dagskrá, minnkað sem getur svo dregið úr álaginu á heimilinu. Börn þurfa alla jafnan ekkert svo mikið til þess að vera ánægð. Skógarferð kl 6 að morgni getur nært barnið langt fram eftir degi, jafnvel þó að það hafi verið erfitt fyrir foreldrið að komast á fætur. Börn eru ekki frekjur eða ótillitssöm þegar þau vekja sumarfrís-foreldrana snemma heldur eru þau að tjá tilfinningar sínar, sýna væntumþykju eða láta í ljós að þau hafi þörf fyrir hreyfingu.
Líta má á sumarleyfið sem samansafn af samverustundum frekar en frí. Oft er nóg að verja tíma með barninu án utanaðkomandi truflunar. Það getur ýtt undir öryggistilfinningu hjá barninu og skapað aðstæður og rými fyrir sjálfstæðan leik. Samvera fjölskyldunnar þarf ekki að kosta mikið; lautarferð með nesti, hjólatúr, sundferð, útilega, heimsókn til vina og ættingja, samvera með öðrum börnum, spilakvöld. Þetta eru líklega stundirnar sem börnin munu helst muna eftir við lok sumarsins.
Gott að hafa í huga í sumar:
- Drögum úr kröfum og væntingum til okkar sjálfra og barnanna
- Það þarf ekki að skipuleggja alla daga í þaula
- Hvetjum börnin til þess að koma með hugmyndir að afþreyingu og reynum að tileinka okkur jákvæð viðbrögð við hugmyndum þeirra
- Börnum má leiðast - þannig virkja þau ímyndunarafl sitt
- Samvera án utanaðkomandi áreitis er lykilatriði
- Verum meðvituð um skjánotkun
Uppeldi verður alltaf krefjandi óháð aldri barnanna en áskoranirnar eru breytilegar eftir aldri og þroska þeirra. Ef við erum alltaf að bíða eftir því að börnin nái ákveðnum þroska, geti gert hlutina upp á eigin spýtur eða höfum óraunhæfar væntingar til þeirra þá gætum við uppgötvað í haust að við gleymdum að byrja sumarfríið okkar. Hægjum á og njótum augnabliksins - það gæti leynst óvænt hvíld í því.
Höfundar eru fagaðilar hjá Heilsu- og sálfræðiþjónustunni.
Elísabet Ýrr Steinarsdóttir, fjölskyldufræðingur
Hildur Inga Magnadóttir, foreldra- og uppeldisfræðingur og doktorsnemi
Nýjast
-
Tvö ný fræðsluskilti í Grímsey
Í vikunni voru sett upp tvö skilti í Grímsey tengd Norðurstrandarleiðinni (e. Arctic Coast Way) sem greina annarsvegar frá eðli heimskautsbauganna og hinsvegar sögu Grímseyjar. -
Mærudagar á Húsavík fagna 30 ára afmæli með mikilli skemmtidagskrá
Í ár fagnar bæjarhátíðin Mærudagar á Húsavík sínu 30. afmæli með fjölbreyttri og spennandi skemmtidagskrá fyrir alla aldurshópa. -
Endurnýjun á dreifilögn í Reykjahverfi
Orkuveita Húsavíkur er í framkvæmdum en verið er að endurnýja dreifilögn hitaveitu á rúmlega 3 km kafla í Reykjahverfi frá Smiðjuteig að Skógum -
Ánægja með gott Listasumar 2024
Mikil og góð stemning var í Listagilinu síðasta laugardag þegar þar var haldið hið svokallaða Karnivala eða lokahátíð Listasumars 2024 -
Grunnskólinn á Raufarhöfn í yfirhalningu
Gengið hefur verið frá samningi við verktaka um að mála húsið -
Andrea Fáfnis Ólafs og Viðar Breiðfjörð með samsýningu á Mærudögum
Andrea Fáfnis Ólafs og Viðar Breiðfjörð halda samsýningu í Hlyn við Garðarsbraut yfir Mærudagana. Listamennirnir eiga bæði ættir og barnæsku að rekja til Húsavíkur. -
Aðalgeir Heiðar Karlsson - Minningarorð
Aðalgeir Heiðar Karlsson fæddist 1.október 1948 á Húsavík. Hann var sonur útgerðarhjónanna Heru Sigurgeirsdóttur f. 22. maí 1916, d. 8. ágúst 1999 og Karls Óskars Aðalsteinssonar, f. 8. maí 1912, d. 24. jan. 1982. Aðalgeir var yngstur fimm systkina sem eru í aldursröð: Sigurbjörg Guðrún, f. 6. feb. 1935, d. 26. maí 2019, Sigrún Ólöf f. 22. jan. 1937, Aðalsteinn Pétur f. 27. okt. 1943, d. 15. júlí 2008 og Óskar Eydal f. 27. nóv. 1944, d. 14. apríl 2017. Karl Óskar Geirsson f. 28. nóv. 1955, sonur Sigrúnar, ólst einnig upp í Höfða og var alltaf eins og einn af systkinunum. Alli var af mikilli sjómannaætt en var mjög lítið á sjó en vann landvinnu. Hann var snöggur til að ráða sig til vinnu þegar Norðurverk hóf störf við gerð Laxárvirkjunar 3 og vann þar fram að verklokum sem bílstjóri á borbíl og sem sprengju sérfræðingur. Við Laxárvirkjun kynnist hann eftirlifandi eiginkonu sinni, Guðnýju Heiðveigu Gestsdóttur, f. 13.júní 1952. Guðný er fædd og uppalin í Múla í Aðaldal, foreldrar hennar voru Heiðveig Sörensdóttir, f. 6.maí 1914, d. 2.mars 2002 og Gestur Kristjánsson, f. 10.nóvember 1906, d. 9.ágúst 1990. Strax vorið eftir þau kynni flutti Aðalgeir í Múla, fór að taka þátt í búskapnum af fullum krafti ásamt því að sinna vinnu við Laxárvirkjun. Aðalgeir og Guðný opinberuðu um páskana 1971 og giftu sig 2. apríl 1972. Þau hófu félagsbúskap ásamt foreldrum Guðnýjar og keyptu síðar af þeim eignir þeirra í Múla eftir að þau hættu búskap árið 1986 og fluttu til Húsavíkur. Aðalgeir og Guðný bjuggu alla tíð í Múla meðan heilsan leyfði. Þau seldu jörðina í sumarið 2021 og fluttu til Akureyrar. Alli og Guðný í Múla voru með fjölmörg börn í sumardvöl í sveit og eins voru þau með fósturbörn bæði til skemmri og lengri tíma. Þrjú af þeim börnum fengu varanlegt aðsetur hjá þeim hjónum í Múla og má svo sannarlega segja að þau hafi dottið í lukkupottinn, Ólafur Svanur Ingimundarson, f. 3.ágúst 1965, Einar Jóhann Sigurðsson, f. 6. ágúst 1983 og Aðalheiður Ágústa Jónsdóttir, f. 2. október 1987. Ólafur Svanur er kvæntur Emmu Gísladóttur, f. 17.maí 1967 og eiga þau tvo syni Gísla Ólaf og Jón Aðalgeir og 6 barnabörn. Einar Jóhann er kvæntur Þórhildi Einarsdóttur, f. 31. ágúst 1983, og eiga þau tvö börn saman Kristján Guðna og Heiðveigu Halldóru. Einar á einnig dóttur úr fyrra sambandi, Lilju Dögg, f. 3.mars 2005. Aðalheiður er gift Sigmundi Birgi Skúlasyni, f. 19.maí 1982 og eiga þau þrjú börn Heiðar Inga, Fannar Atla og Margréti Guðnýju. Aðalgeir lést á hjúkrunarheimilinu Lögmannshlíð 12.júlí s.l. og útför hans fór fram miðvikudaginn 24.júlí kl 14:00 frá Grenjaðarstaðarkirkju í Aðaldal. Elsku afi okkar, við vitum ekki hvernig okkur á að líða, þetta er allt svo skrýtið. -
Þyrla sótti slasaða hjólreiðarmenn í Jökulsárgljúfur
Laust eftir hádegi í dag kom tilkynning til lögreglu og sjúkraflutningamanna á Húsavík um reiðhjólaslys við Jökulsárgljúfur. Þar hafi reiðhjólamaður fallið fram af kletti og þá hafði samferðamaður hans einnig slasast við að reyna að koma honum til aðstoðar -
Mæðgur hafa stjórnað kórum í samanlagt 71 ár
Kynslóðir kórfélaga frá Hóffý og Ástu sameinast og halda saman tónleika í Húsavíkurkirkju
Athugasemdir