Af bogum og flugdrekum Eyrarpúka
Ingólfur Sverrisson skrifar
Í mínu ungdæmi á Eyrinni fór oft drjúgur tími í að smíða eigin leikföng, vopn og verjur. Á þeim tíma var ekki mikið úrval slíkra hluta í búðum og enn síður peningar til að fjárfesta í þeim þá sjaldan þeir voru á boðstólum. Því var sá einn kostur að smíða sjálfur helstu nauðsynjahluti á þessu sviði eða að sitja með hendur í gaupnum sér leikfangalaus, vopnlaus og berskjaldaður fyrir árásum ímyndaðra óvina. Í þá daga höfðum við marga góða fagmenn fyrir augunum hér og þar á Eyrinni sem smíðuðu úr tré og járni, allt frá smæstu hlutum til báta og skipa. Handbrögð þeirra og útsjónarsemi var okkur góður skóli og ekki spillti fyrir að þeir skildu gjarnan eftir sig ýmiskonar efnisafganga sem við gátum nýtt þeim að meinalausu.
Nói bátasmiður var góður heim að sækja og tók okkur strákunum alltaf vel þegar við vorum að gramsa og leita að álitlegu smíðaefni. Langar eikarspýtur voru mjög eftirsóttar til að tálga, fægja og smíða boga úr með sterku bandi sem strengt var á milli endanna. Mikla nákvæmni þurfti til að tálga þynnstu spýturnar þar til þær urðu bærilegar örvar. Ef þær voru ekki þráðbeinar áttu þær til að svífa allt annað en þeim var ætlað og gátu þá sett bogmanninn í verulegan vanda. En góður bogi og þráðbeinar örvar voru einhver eigulegustu vopn sem um gat á norðanverðri Eyrinni.
Til þess að búa til góðan steinboga var vænlegt að fara fyrst niður að Vélsmiðjunni Atla og grafa þar upp stífan vír. Beygja hann síðan saman í miðju og svo til sitt hvorrar hliðar handarbreidd ofar og þaðan upp aftur með krókum efst. Þessu næst var gott að leita til Hannesar hjólhesta á Hólabrautinni og fá hjá honum ónýtar hjólaslöngur sem maður klippti niður í sentimetra breiða búta og smeygði þeim hverjum ofan á annan upp á skaftið þannig að þar myndaðist gott hald. Þá var því sem eftir var af slöngubútunum fléttað saman í tvær tíu til fimmtán sentimetra lengjur, þær festar hvor á sinn krókinn efst og síðan saman á leðurpjötlu frá Halldóri söðlasmið í hinn endann. Hún hafði það hlutverk að geyma steinana sem skotið var úr boganum. Úr þessu varð ógnarlegt vopn sem skaut mörgum góðum drengnum skelk í bringu.
Öllu friðvænlegra var þó þegar við settum saman flugdrekana okkar með þunnar spýtur í kross og bréfpappa sem strengdur var yfir. Síðan þurfti að gera mikinn hala aftur úr sjálfum drekanum þar sem rifrildi úr Mogganum, Tímanum og Þjóðviljanum voru hnýtt í slaufur með fet millibili. Þegar hafgolan kom svo eftir hádegi söfnuðumst við Eyrarpúkarnir gjarnan hressir og kátir niður á tún með drekana okkar. Tígulega hófust þeir til himins og svifu um loftin blá okkur og kúnum hans Tryggva skósmiðs, sem þarna voru á beit, til mikillar ánægju. Þær litu upp og ranghvolfdu kýraugum sínum þegar þær horfðu á þessi skrítnu loftför sem hnigu og lyftust með golunni og því hvernig við kipptum í strengina í gleði okkar á hlaupum fram og aftur um túnið.
Ingólfur Sverrisson
Nýjast
-
Lokaorðið - Mæður allra alda
Það styttist trúlega í þriðju heimsstyrkjöldina, og þó er býsna stutt síðan þeirri síðustu lauk, elsta kynslóðin man þá tíma vel. -
Umhverfis- og mannvirkjaráð Akureyrar - Blöndulína 3 þrengir að landlitlu sveitarfélagi
„Um er að ræða gríðarlega mikla hagsmuni Akureyrarbæjar, enda ljóst að umrædd lína þrengir að því landlitla sveitarfélagi sem Akureyrarbær er, getur hindrað vöxt þess og er líkleg til að rýra gæði þeirrar byggðar sem fyrir er,“ segir í bókun umhverfis- og mannvirkjaráðs Akureyrar, en á fundi ráðsins voru lögð fram drög að umsögn vegna lagningar Blöndulínu í gegnum land Akureyrarbæjar frá norðri og að Rangárvöllum. -
Heiðurviðurkenningar Akureyrarbæjar
Heiðursviðurkenningar Akureyrarbæjar fyrir vel unnin störf í þágu menningar og samfélagsins hlutu að þessu sinni nafnarnir Þorsteinn Pétursson, Steini Pje, fyrir óeigingjarnt framlag sitt til varðveislu og nýtingar eikarbátsins Húna II, og Þorsteinn E. Arnórsson, fyrir mikilsvert framlag til varðveislu iðnaðarsögu Akureyrar og reksturs Iðnaðarsafnsins á Akureyri. -
KA er Íslandsmeistari í blaki kvenna 2023-24
KA er Íslandsmeistari í blaki kvenna eftir stórkostlegan 2-3 endurkomusigur að Varmá í Mosfellsbæ í dag. Stelpurnar okkar lentu 2-0 undir í hrinum en sneru enn einum leiknum sér í vil og standa uppi sem Íslandsmeistarar þriðja árið í röð! -
Jonna Jónborg Sigurðardóttir bæjarlistamaður Akureyrar 2024
„Markmiðið er að færa listina út til fólksins. Koma með listina til þess í stað þess að það komi í ákveðna sali eða gallerí til að skoða listaverk,“ segir Jonna Jónborg Sigurðardóttir bæjarlistamaður á Akureyri árið 2024. Hún vinnur að undirbúningi sýningar sem nefnist Ferðalag. Það hefst nú á starfsàrinu og stendur í tvo mánuði. Einnig er hún á fullu við að hanna og útbúa svöng ruslatröll sem prýða munu nokkra rusladalla á Akureyri. -
Undirbúningur fyrir hátíðarhöld sjómannadagsins á Akureyri hafinn.
Sjómannadagurinn var endurvakinn á Akureyri í fyrra og tókst vel til, svo vel að undirbúningur er hafinn fyrir hátíðarhöld á komandi sjómannadag fyrstu helgina i júni. -
Kvarssandur frá PCC gæti orðið að varnargörðum við náttúruvá
Verkefnið Sterk steypa vann fyrstu verðlaun í áskorun PCC Bakki Silicon, á Krubbi-hugmyndahraðhlaupi sem haldið var á STÉTTINNI á Húsavík í mars -
Norðurorka - Leit að leka í hitaveitu með drónum
Dagana 7.-11. maí munu starfsmenn frá umhverfisverkfræðistofunni ReSource International gera lekaleit á hitaveitu fyrir hönd Norðurorku. Að þessu sinni yfir Eikar- og Daggarlundi á Akureyri, í Eyjafjarðarsveit (Hrafnagilshverfi, Kristnes og austan frá Kaupangi fram að Stóra Hamri) og á Svalbarðseyri. -
Ferðafélag Akureyrar og Stóri-plokkdagurinn - Félagsmenn tóku til hendinni að venju
„Okkur finnst minna um rusl núna en undanfarin tvö ár, sem ef til vill er vegna þess að svæðið er hreinsað skipulega á hverju ári,“ segir Þorgerður Sigurðardóttir formaður Ferðafélags Akureyri. Stóri-plokkdagurinn var haldinn um liðna helgi og tóku félagsmenn FFA til hendinni að venju
Athugasemdir