YST er listamaður Norðurþings 2025
Ingunn St. Svavarsdóttir - betur þekkt undir listamannsnafninu YST. Mynd/Norðurþing.
Norðurþing hefur tilkynnt listamann sveitarfélagsins árið 2025 en það er Ingunn St. Svavarsdóttir - betur þekkt undir listamannsnafninu YST.
Ingunn er fædd árið 1951 á Egilsstöðum og ein af fyrstu íbúum bæjarins. Hún lærði sálfræði á Íslandi og í Gautaborg í Svíþjóð, með sérhæfingu í barna- og fjölskylduráðgjöf. Hún starfaði á því sviði í áratug, fyrst hjá Dagvist barna í Reykjavík, þar sem hún sinnti yfir 30 leikskólum, og síðar sem fyrsti heilsugæslusálfræðingur landsins í Norður-Þingeyjarsýslu.
Ingunn sinnti einnig stjórnmálum og var sveitarstjóri í 12 ár – fyrst í Presthólahreppi og síðar eftir sameiningu í Öxarfjarðarhreppi. Þar átti hún m.a. þátt í stofnun Fjallalambs á Kópaskeri og hitaveitu í Öxarfirði – mikilvægum framfaraskrefum fyrir svæðið.
Árið 1999 tók Ingunn nýja stefnu í lífinu og hóf nám í myndlist við Myndlistarskólann á Akureyri, en síðar mastersnám við Newcastle-háskóla á Englandi. Á sama tíma breyttu hún og eiginmaður hennar, Sigurður Halldórsson, gömlum bragga í Öxarfirði í sýningar- og vinnurými listafólks: Bragginn Yst.
Síðan 2004 hefur Ingunn haldið árlegar sýningar í Bragganum Yst, gjarnan í tengslum við Sólstöðuhátíðina á Kópaskeri. Hún hefur einnig tekið þátt í yfir 70 listsýningum, bæði einkasýningum og samsýningum, víða um land og erlendis.
YST vinnur með fjölbreytta miðla: hún hefur málað, teiknað, tekið þátt í gjörningum og skapað inni- og útiskúlptúra bæði úr málmum og tré.
List hennar sameinar innsýn í sálarlífið, tengsl við náttúruna og sterk félagsleg og femínísk sjónarhorn. Verkin fjalla meðal annars um breytileika manneskjunnar, fegurð, breyskleika og von.
Sýningin í sumar í Bragganum Yst ber heitið Viðrun vonanna
Þar dregur hún fram mikilvægi vonarinnar – sem veitir fólki innri styrk, dregur úr kvíða og streitu, og ýtir undir jákvæðni og þróun – bæði hjá einstaklingum og í samfélaginu.
Nánari upplýsingar og sýnishorn af verkum Ingunnar má finna á heimasíðu hennar: www.yst.is
Nýjast
-
YST er listamaður Norðurþings 2025
Ingunn er fædd árið 1951 á Egilsstöðum og ein af fyrstu íbúum bæjarins. Hún lærði sálfræði á Íslandi og í Gautaborg í Svíþjóð, með sérhæfingu í barna- og fjölskylduráðgjöf. Hún starfaði á því sviði í áratug, fyrst hjá Dagvist barna í Reykjavík, þar sem hún sinnti yfir 30 leikskólum, og síðar sem fyrsti heilsugæslusálfræðingur landsins í Norður-Þingeyjarsýslu. -
Maður er manns gaman
Sigurjón Pálsson skrifar um skipulag miðbæja -
Gefa sætisbekki til heiðurs sjómannskonum
Í tilefni Kvenréttindadagsins þann 19. júní hefur stjórn Framsýnar hefur samþykkt að festa kaup á nokkrum sætisbekkjum sem komið verður fyrir í sjávarbyggðum á félagssvæðinu, Húsavík, Raufarhöfn og Kópaskeri. Einnig verði skoðað að koma upp bekkjum í Flatey og við Tungulendingu á Tjörnesi -
Sigríður tekur við formennsku af Silju Báru
Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. -
Handtökur vegna fíkniefnaframleiðslu
Um kl. 10 í gærmorgun, 18. júní, var farið í samræmdar lögregluaðgerðir á nokkrum stöðum á landinu, m.a. á Raufarhöfn þar sem framkvæmdar voru húsleitir að undangengnum úrskurðum frá Héraðsdómi Norðurlands eystra -
Mála tröppur í öllum regnbogans litum
Hinsegin hátíð á Norðurlandi eystra verður haldin dagana 18.-22. júní 2025. -
Gangbraut sem virðist svífa í lausu lofti
Um helgina var máluð þrívíddargangbraut yfir Listagilið á móts við Listasafnið. Sambærileg gangbraut hefur áður verið máluð á Ísafirði og hlotið talsverða athygli. -
Nú förum við alveg að breytast í slím
Á morgun, fimmtudaginn 19. júní fara fram aðrir upphitunartónleikar af þremur fyrir menningarhátíðina Mannfólkið breytist í slím. Tónleikarnir fara fram á Akureyri Backpackers þar sem fram koma Drinni & The Dangerous Thoughts, Oscar Leone og DJ Mamalón -
Börnunum finnst vanta rusladall
Börn á leikskólanum Klöppum fara mikið í Kvenfélagsreitinni. Þeim þykir ruslið og mikið og steininn tók út þegar poki með hundakúk fannst á svæðinu. Þau biðja bæjarstjóra um að redda rusladalli á svæðið.
