Víðavangshlaup Íslands í Kjarnaskógi á morgun laugardag
Sprett úr spori í Kjarnaskógi Mynd akureyri.is
Á morgun, laugardaginn 17. október, verður Víðavangshlaup Íslands hlaupið í Kjarnaskógi. Víðavangshlaup Íslands var fyrst haldið árið 1948 og á hverju ári frá 1978. Hlaupin eru oftast á bilinu 1,5-10 km.
Hringurinn sem hlaupinn verður í Kjarnaskógi er 1.650 km og er hann hlaupinn misoft eftir aldursflokkum en sex sinnum á Íslandsmeistaramóti 20-40 ára. Upphafs- og endamörk eru við Kjarnavöll nærri Múmínhúsinu.
Samhliða Víðvangshlaupi Íslands verður hlaupið í opnum flokki sem er kjörinn fyrir þau sem vilja skokka hringinn í fallegu haustveðri. Mótshaldarar segja að Kjarnaskógur henti afar vel fyrir víðavangshlaup og að leiðin sé stórskemmtileg, farnir verði mjúkir skógarstígar, nánast aldrei á jafnsléttu, og margar hlykkjur á leiðinni þannig að fólk sjái reglulega til þeirra sem eru annaðhvort langt á undan eða langt á eftir í brautinni. „Upplifunin verður því eins og maður sé að hlaupa með miklu fleirum en maður gerir vanalega í venjulegu götuhlaupi,“ segir Þorbergur Ingi Jónsson mótsstjóri.
Eftir hlaup verður boðið upp á heitt kakó og þetta verður án efa skemmtilegur útivistardagur fyrir alla fjölskylduna í skóginum góða.
Það er Fjallahlaupaþjálfun í samstarfi við UFA og 66 N sem heldur Víðavangshlaup Íslands í Kjarnaskógi.
Skráning og nánari upplýsingar.
www.akureyri.is sagði fyrst frá
Nýjast
-
Gæði hjúkrunarheimila eru mælikvarði á velmegun
Þegar foreldri eða maki flytur á hjúkrunarheimili breytist margt í lífi fjölskyldunnar. Aðstandendur þurfa að geta treyst því að manneskjan sem þeim þykir vænt um fái góða umönnun. Sá sem flytur þarf að finna að hlustað sé á hann, að óskir hans skipti máli og að hann geti áfram haft áhrif á eigið líf. -
Víðavangshlaup Íslands í Kjarnaskógi á morgun laugardag
Á morgun, laugardaginn 17. október, verður Víðavangshlaup Íslands hlaupið í Kjarnaskógi. Víðavangshlaup Íslands var fyrst haldið árið 1948 og á hverju ári frá 1978. Hlaupin eru oftast á bilinu 1,5-10 km. -
Þingeyjarsveit - Áhyggjur af fyrirhugaðri hækkun virðisaukaskatts
Fyrirhuguð hækkun virðisaukaskatts á baðlón úr 11% í 24% í byrjun árs 2027 hefur vakið áhyggjur innan ferðaþjónustunnar og víðar. Hækkunin er hluti af áformum ríkisstjórnarinnar og gæti haft veruleg áhrif á rekstrarforsendur baðlóna víða um land, þar á meðal Jarðbaðanna við Mývatn. -
Utan vega með Ragnari Hólm
Laugardaginn 17. október kl. 14 opnar Ragnar Hólm Ragnarsson sýningu á nýjum olíumálverkum í Mjólkurbúðinni á Akureyri. Sýningin verður opin næstu tvær helgar frá kl. 14-17. -
Bjartsýni hjá Flugklasanum Air66
„Við erum bjartsýn, komandi vetur lítur vel út og sem dæmi var bókunarstaða í áætlunarflugi easyJet til og frá Akureyri um síðustu mánaðarmót betri en hún var á sama tíma fyrir ári,“ segir Hjalti Þórarinsson verkefnastjóri Flugklasans Air 66. Að mörgu er hugað um þessar mundir, m.a. viðræður við nokkur flugfélög um beint millilandaflug til Akureyrar þar sem spennandi áfangastaðir eru til umræðu. Þá hefur áframhaldandi fjármögnun Flugklasans verið í brennidepli undanfarið, sveitarfélög á Norðurlandi hafa flest ákveðið að taka þátt en beðið er eftir viðbrögðum frá ríkinu. -
Norðlensk hönnun og handverk í Hlíðarbæ
Norðlensk hönnun og handverk stendur fyrir sýningu nú um komandi helgi, dagana 17. – 18. október. Sýningin er í Hlíðarbæ og er opin báða dagana frá kl. 11 til 17. -
Miðgarður vígður – yngsti og elsti nemandinn klipptu á borðann
Nýtt hús frístundar og félagsmiðstöðvar við Borgarhólsskóla á Húsavík var vígt í dag, 15. október. -
Sumarið gott hjá Golfklúbbi Akureyrar
„Sumarið gekk mjög vel, það varð þónokkur aukning í spiluðum hringjum þegar er skoðað meðaltal á dag, þannig að enn eitt aðsóknarmetið er fallið hvað það varðar,“ segir Steindór Ragnarsson framkvæmdastjóri Golfklúbbs Akureyrar. Jaðarsvöllur er enn opinn og kylfingar á ferðinni á vellinum. -
Þórhalla Sigurðardóttir hlaut hvatningarstyrk Vísindaráðs SAk
Á Vísindadegi SAk afhenti Vísindaráð hvatningarstyrk ársins til Þórhöllu Sigurðardóttur fyrir framúrskarandi vinnu við doktorsverkefni hennar.
