Vorráðstefna um upplýsingatækni
Stefán Hrafn Hagalín
Hin árlega Vorráðstefna Advania á Akureyri verður haldin föstudaginn 12. apríl. Dagskráin í ár er fjölbreytt, en alls verða haldnir sextán fyrirlestrar þar sem áherslan verður lögð á framtíðarsýn og fróðleik um nýjustu strauma og stefnur í upplýsingatækni.
Vorráðstefnan verður haldin í menningarhúsinu Hofi og mun dagskrá standa yfir frá klukkan 13:00 til 17:30 þegar hlaðið verður í fjörlegt lokapartý með léttum veitingum á föstu og fljótandi formi. Áætluð dagskrárlok eru um 19:30. Ráðstefnan er opin öllu áhugasömu fólki í atvinnulífinu meðan húsrúm leyfir. Þátttaka er gestum að kostnaðarlausu.
SNILLINGAR Á NORÐURLANDI
"Ég sé á dagskránni að það er ákveðinn landsbyggðarbragur á þessu hjá okkur. Meðal fyrirlesara eru þannig Skagfirðingurinn Ragnar Már Magnússon sem fjallar um viðskiptagreind, Helgi Jóhannesson forstjóri Norðurorku, Hólmar Svansson ráðgjafi hjá Capacent og Inga Á. Karlsdóttir útibússtjóri hjá Landsbankanum á Akureyri, ásamt Innbæingnum Tryggva R. Jónssyni og Brekkusniglinum Sigvalda Óskari Jónssyni. Þannig að við græjum sem sagt helminginn af ráðstefnunni með snillingum héðan af Norðurlandi, enda væri annað ótækt. Í framhjáhlaupi er rétt að geta þess að Advania-forstjórinn Gestur G. Gestsson opnar ráðstefnuna, en hann er frá Hafnarfirði sem er vitaskuld hálfgert sveitaþorp," segir Stefán Hrafn Hagalín, sem er forstöðumaður samskiptasviðs hjá Advania og sjálfur uppalinn á Akureyri, en hann verður fundarstjóri á ráðstefnunni.
TILHLÖKKUNAREFNI
Að sögn Stefáns Hrafns er Vorráðstefna Advania á Akureyri alltaf mikið tilhlökkunarefni hjá fyrirtækinu, en þá nota margir Norðlendingar hjá höfuðstöðvum fyrirtækisins í Reykjavík tækifærið og skella sér norður yfir heiðar til að hitta viðskiptavini. Þess má geta að Advania er einn stærsti atvinnurekandinn á Akureyri með 40 manna starfsstöð við Tryggvabraut, en jafnframt starfa um 10 manns hjá Advania á Sauðárkróki. Advania veitir fjölbreytta þjónustu á Norðurlandi, hvort heldur á sviði vélbúnaðar eða hugbúnaðarlausna fyrir stóra sem smáa.
Við gerum ráð fyrir um 200 gestum á föstudaginn, sem væntanlega þýðir að þetta verður einn stærsti viðburður sem haldinn hefur verið um upplýsingatækni utan höfuðborgarsvæðisins. Við erum að sjálfsögðu frekar stolt af þeirri staðreynd, segir Stefán Hrafn að lokum.
Nýjast
-
Meira af rauðu hjörtunum í umferðarljósum
Ásthildur Sturludóttir, bæjarstjóri skrifar á Facebooksíðu sína í morgun og tekur af öll tvímæli með það að rauðu hjörtun fari ekki neitt. Miklar umræður hafa skapast í kjölfar frétta þess eðlis að Vegagerðin hafi sent bréf til skipulagsyfirvalda á Akureyri þar sem þess var farið á leit að umferðarljós Vegagerðarinnar á Akureyri verði færð í sitt upprunalega horft -
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki. -
Heilabrot – Nýsköpun fyrir betra samfélag
Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum. Áskoranirnar komu frá breiðum hópi stofnana og fyrirtækja sem sýndu verkefninu mikinn áhuga. Þá var aðsókn lausnarmiðaðra þátttakenda einnig mikil og ekki vantaði útsjónarsemina. -
Benedikt Barðason skipaður skólameistari Verkmenntaskólans á Akureyri
Guðmundur Ingi Kristinsson, mennta- og barnamálaráðherra, hefur skipað Benedikt Barðason í embætti skólameistara Verkmenntaskólans á Akureyri til fimm ára frá 1. ágúst næstkomandi.
