Um 1.400 íbúðir í byggingu eða undirbúningi
Undanfarin ár hefur uppbyggingin íbúða mest verið í Holta- og Móahverfi, þar sem hundruð íbúða hafa þegar risið eða eru í byggingu. Mynd akureyri.is
„Staðan er góð hvað varðar framboð lóða á Akureyri og við erum þegar farin að huga að frekari úthlutunum, bæði í Móahverfi og á þeim lóðum sem eftir eru í Holtahverfi. Um 1.200 íbúðir eru nú í byggingu eða á lóðum sem nýlega hefur verið úthlutað, auk um 200 íbúða sem eru í undirbúningi á eldri lóðum, þótt óljóst sé hvenær framkvæmdir hefjast þar,“ segir Sunna Hlín Jóhannesdóttir formaður skipulagsráðs Akureyrarbæjar.
Mest byggt í Móa- og Holtahverfi
Minnisblað skipulagssviðs um stöðu mála varðandi uppbyggingu íbúða á Akureyri var lagt fram á fundi ráðsins nýverið. Þar kemur fram að mikill vöxtur hefur verið í byggingum íbúða í bænum undanfarin ár. Um 1.400 íbúðir eru ýmist í byggingu eða á lóðum sem þegar hefur verið úthlutað. Um 1.200 eru í fjölbýli og tæplega 200 í rað-, par- eða einbýlishúsum í byggingu, á lóðum sem búið er að úthluta eða lóðum sem geta farið í úthlutun.
Mest er uppbyggingin í Holta- og Móahverfi, þar sem hundruð íbúða hafa þegar risið eða eru í byggingu. Þá eru lóðir fyrir fjölmargar nýjar íbúðir tilbúnar til úthlutunar. Einnig er unnið að skipulagi og undirbúningi nýrra fjölbýlishúsa á svæðum á borð við Tjaldsvæðisreit, Hofsbót, Austursíðu og Gleráreyrar.
Mætir þörfinn næstu 7 til 8 ár
Samkvæmt áætlunum ætti sú uppbygging sem nú er í gangi og undirbúningi að mæta íbúðaþörf bæjarins næstu sjö til átta árin. Miðað við íbúaþróun sem hefur verið talsverð, gæti þó þurft að hefja undirbúning nýs hverfis um árið 2030 að því er fram kemur í minnisblaði.
Sunna Hlín Jóhannesdóttir formaður skipulagsráðs Akureyrarbæjar
„Þó að staðan sé góð megum við hvergi slaka á,“ segir Sunna Hlín og bætir við að undirbúningur sé að hefjast að skipulagi nýs hverfis vestan Kjarnagötu, slík vinna taki óhjákvæmilega tíma. „Þar ætlum við að vanda vel til verka og horfa sérstaklega til þess að byggja fyrir ólíka hópa samfélagsins og mæta þeirri eftirspurn sem markaðurinn kallar eftir. Það er auðvitað erfitt að sjá nákvæmlega fyrir hvernig húsnæðismarkaðurinn þróast mörg ár fram í tímann og þess vegna skiptir máli að skipulagið sé sveigjanlegt og geti tekið breytingum eftir því sem þarfirnar breytast.“
Nýjast
-
Um 1.400 íbúðir í byggingu eða undirbúningi
„Staðan er góð hvað varðar framboð lóða á Akureyri og við erum þegar farin að huga að frekari úthlutunum, bæði í Móahverfi og á þeim lóðum sem eftir eru í Holtahverfi. Um 1.200 íbúðir eru nú í byggingu eða á lóðum sem nýlega hefur verið úthlutað, auk um 200 íbúða sem eru í undirbúningi á eldri lóðum, þótt óljóst sé hvenær framkvæmdir hefjast þar,“ segir Sunna Hlín Jóhannesdóttir formaður skipulagsráðs Akureyrarbæjar. -
Bleikur dagur
Bleiki dagurinn er í dag en hann er til að sýna samstöðu með krabbameinssjúkum og vekja athygli á baráttunni gegn krabbameinum. Dagurinn er hápunktur árlegs árvekni- og fjáröflunarátaks Krabbameinsfélags Íslands, Bleiku slaufunnar, sem stendur yfir í október. -
Þrjátíu ára umhverfisvegferð Hölds: 40.000 tré gróðursett
Merkum áfanga var náð á dögunum þegar starfsfólk Hölds gróðursetti tré númer 40.000 í árlegri gróðursetningarferð félagsins. Gróðursetning hefur verið fastur liður í starfsemi Hölds í þrjá áratugi og hefur starfsfólk víða um land tekið þátt í verkefninu. -
Virkari eigandi og ný nálgun í stjórn Norðurorku
Á aukaaðalfundi Norðurorku sem fram fór í dag var stigið mikilvægt skref í því hvernig Akureyrarbær hyggst sinna hlutverki sínu sem stærsti hluthafi fyrirtækisins. Í fyrsta sinn voru óháðir stjórnarmenn tilnefndir til setu í stjórn félagsins. -
Besta kaffihús Íslands!
Kaffistofan hefur verið valin sigurvegari á Íslandi í European Coffee Trip Awards 2026! Það er okkur mikill heiður að hljóta þessa viðurkenningu, ekki síst þar sem hún byggir á atkvæðum kaffiaðdáenda. -
Eigendur NO vilja fylgja samkomulagi um hóflegar hækkanir
Gjaldskrár Norðurorku munu ekki hækka umfram 2,5% um næstu áramót eftir ákvörðun eigenda fyrirtækisins á aukaaðalfundi á þriðjudagsmorgun. Á þeim fundi var tillögum meirihluta stjórnar hafnað, en þær gerðu ráð fyrir á bilinu 2,5 og upp í 7% hækkun á gjaldskrá veitnanna um næstu áramót. Norðurorka rekur hitaveitu, rafveitu, vatnsveitu ogfráveitu. -
Vídeódanshátíðin Boreal Screendance Festival 2026 hefst á föstudaginn
Vídeódanshátíðin Boreal Screendance Festival 2026 hefst á föstudaginn í Ketilhúsi Listasafnsins á Akureyri. Boreal hefur verið haldin á mörkum hausts og vetrar frá árinu 2020, fyrst í Mjólkurbúðinni en nú leggur hátíðin undir sig Listagilið rúmar þrjár vikur í október og nóvember. Viðburðir Boreal að þessu sinni fara fram í Listasafninu á Akureyri, Mjólkurbúðinni, Deiglunni og Kaktus. -
Færeyska tónlistarkonan Gudrid Hansdóttir með tónleika á Græna
Færeyska tónlistarkonan Guðrið Hansdóttir er hér á landi í október og heldur níu tónleika í hringferð um landið dagana 20.–29. október. Tilefnið er útgáfa sjöundu hljóðversplötu hennar, Sýrublað, sem kom út í vor og hlaut góðar viðtökur. Platan er unnin af Høgna Lisberg. -
Talsverðar framkvæmdir á Grenivík
Viðbygging við leikskólann Krummafót á Grenivík eru langt komin. Hún er Hún er nálægt 150 fermetrum að stærð og mun hýsa alla starfsmannaaðstöðu, stoðþjónustu, fundar- og samkomuaðstöðu.
