Vika málm- og véltæknigreina haldin á Akureyri
Fjölmenni sótti málþing sem haldið var í VMA. Mynd/Karl Eskil
Verkmenntaskólinn á Akureyri ásamt stéttarfélögum og aðilum úr atvinnulífinu í nærumhverfi skólans standa að Viku Málm- og véltæknigreina, sem hófst á mánudaginn.
Dagskráin er býsna fjölbreytt, við héldum vel sótt málþing á mánudaginn. Þar áttu sér stað fjörugar umræður um samvinnu atvinnulífs og skóla á vettvangi málm- og véltæknigreina og á sviði tæknináms almennt.Í lok þingsins var stofnað fagráð skóla og atvinnulífs um framgang málm- og véltæknigreina. Fundarmenn voru sammála um að koma verði á tækninámi á háskólastigi á svæðinu, til dæmis á sviði vélaverkfræði eða -tæknifræði og í mekatrónik. Slíkt nám myndi styrkja hátækniiðnað á svæðinu. VMA er þegar farinn að bjóða upp á námsáfanga af þessu tagi og stefnt er að því að tengja mekatrónik námi í raf- og rafeindavirkun og vélstjórn, segir Hjalti Jón Sveinsson skólameistari VMA.
Á laugardaginn verður opið hús á málmsmíðaverkstæði og í vélstjórnardeild VMA í tilefni af 30 ára kennsluafmæli á Eyrarlandsholti.Við finnum fyrir því að áhugi ungs fólks á þessum greinum fer vaxandi, þannig að það er um að gea að kynna sér hvað er í boði, segir Hjalti Jón.
karleskil@vikudagur.is
Nýjast
-
Bíladagar
Dýrleif Skjóldal átti Lokaorðið í blaðinu s.l. fimmtudag. -
Dagsektir vegna umgengni við Hamragerði 15 ekki greiddar
Dagsektir sem lagðar voru á lóðahafa við Hamragerði 15 á Akureyri vegna umgengni á lóðinni hafa ekki verið greiddar en þær eru í innheimtu. Fjárnám hefur verið gert í eigninni og nauðungarsala hefur verið auglýst. Bílum innan lóðar hefur fækkað lítilega að undanförnu. -
Jóhann Páll heiðursdoktor við HA
Hug- og félagsvísindasvið Háskólans á Akureyri veitir Jóhanni Páli Árnasyni heiðursdoktorsnafnbót á sviði félagsvísinda næstkomandi mánudag, 30. júní -
Sérstakt ef beita þarf sveitarfélag þvingunarúrræðum til að fá fram tiltekt
Akureyrarbær hefur ekki brugðist við kröfu frá Heilbrigðisnefnd Norðurlands eystra um að hreinsa svæði við á lóð bæjarins við Krossanes. Alls eru 45 bílar í slæmu ástandi á lóðinni. -
Hver borgar brúsann?
Ríkisstjórnin hefur lagt fram frumvarp um breytingar á lögum um skyldutryggingu lífeyrisréttinda og starfsemi lífeyrissjóða. Efni frumvarpsins varðar svokallaða víxlverkun. Verði frumvarpið að lögum verður lífeyrissjóðum óheimilt að taka tillit til greiðslna frá Tryggingastofnun ríkisins við útreikning örorkulífeyris. Í reynd þýðir það að tvö aðskilin kerfi, þ.e. almannatryggingar annars vegar og lífeyrissjóðir hins vegar, greiða út bætur án samræmis eða gagnkvæmrar aðlögunar. -
Brotist inn á vinnusvæði á fjórum stöðum
Fyrr í þessum mánuði var brotist inn á vinnusvæði á fjórum stöðum á Akureyri og stolið þaðan miklu magni af alls konar verkfærum. Þessi mál eru í rannsókn hjá okkur en ekki hefur enn tekist að hafa hendur í hári þjófanna. -
Vonarbrú - Markvissari fjársöfnun til sveltandi fólks á Gaza
„Það bætast nýir félagar við daglega og fyrir það erum við afskaplega þakklát. Ætli við séum ekki orðin um 70 talsins og fer fjölgandi. Við þiggjum að sjálfsögðu frjáls framlög einstaklinga, fyrirtækja og félaga með miklum þökkum, þau eru forsenda þess að við getum hjálpað áfram,“ segir Kristín S. Bjarnadóttir hjúkrunarfræðingur með sérmenntun í líknarhjúkrun, en hún hafði forgöngu um stofnun almannaheillafélagsins Vonarbrúar svo hægt væri að fara í markvissa fjársöfnun til frekari aðstoðar á Gaza svæðinu. -
Meira af rauðu hjörtunum í umferðarljósum
Ásthildur Sturludóttir, bæjarstjóri skrifar á Facebooksíðu sína í morgun og tekur af öll tvímæli með það að rauðu hjörtun fari ekki neitt. Miklar umræður hafa skapast í kjölfar frétta þess eðlis að Vegagerðin hafi sent bréf til skipulagsyfirvalda á Akureyri þar sem þess var farið á leit að umferðarljós Vegagerðarinnar á Akureyri verði færð í sitt upprunalega horft -
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á.
