„Við erum óendanlega þakklát fyrir þessi ár“
Ingibjörg Stella Bjarnadóttir og Erik Jensen ráku B. Jensen í 27 ára, en félagið var sannkallað fjölskyldufyrirtæki, stofnað af foreldrum hans árið 1968.
„Þetta hafa verið ótrúlega viðburðarík skemmtileg og góð ár sem vissulega hefur verið gríðarlega mikil vinna,“ segja þau Ingibjörg Stella Bjarnadóttir og Erik Jensen, eigendur B. Jensen. Nú standa þau á tímamótum, þar sem þau hafa selt fyrirtækið til Kjarnafæðis Norðlenska, sem er í eigu Kaupfélags Skagfirðinga. Það hefur tekið við rekstri fyrirtækisins: sláturhúsi, kjötvinnslu og versluninni við Lónsbakka, þar sem allur reksturinn hefur alltaf verið til húsa.
„Það hefur verið unnið að þessum um nokkurt skeið – við byrjuðum að ræða þetta síðasta haust. Óvissa skapaðist í kringum búvörulögin sem gerði það að verkum að málið tafðist um stund, en þegar Hæstiréttur staðfesti gildi laganna var ekkert til fyrirstöðu að ganga frá sölunni.“
Þau segja fyrirtækið B. Jensen dýrmætan hluti af fjölskyldusögunni – stofnað af foreldrum Eriks, þeim Benny Albert Jensen og Jónínu Guðjónsdóttur, vorið 1968. „Sumarið 1998 tókum við, Erik og Ingibjörg, við keflinu og höfum haldið utan um reksturinn síðan eða í 27 ár,“ segja þau.
Starfsfólkið okkar – hjarta fyrirtækisins
„Það er ómetanlegt hversu heppin við höfum verið með starfsfólk í gegnum tíðina. Hjá okkur hefur verið lítil starfsmannavelta og við höfum notið þess að vinna með góðu fólki sem er bæði reynslumikið, samviskusamt og metnaðarfullt. Það hefur lagt sig fram við að skila af sér vönduðum vörum og skapa góða stemningu – og án þeirra hefði þetta ferðalag ekki verið það sama.“
Verslunin á Lónsbakka – hjartasláttur samfélagsins
„Verslunin okkar hefur verið okkur sérstaklega kær. Það var alltaf líf og gleði þegar við tókum á móti fólki – spjallað, hlegið og stundum deilt sögum. Þessar samverustundir með góðum og tryggum viðskiptavinum voru okkur ómetanlegar. Að fá að vera hluti af daglegu lífi ykkar í öll þessi ár er heiður sem við tökum með okkur inn í næsta kafla.“
Tímamót og þakklæti
„Nú er komið að því að láta staðar numið. Reksturinn hefur alltaf krafist mikillar vinnu og við finnum að nú er rétti tíminn til að horfa fram á við og gefa okkur rými til nýrra ævintýra. Við förum inn í næsta kafla með miklu þakklæti – til starfsfólks, viðskiptavina og allra sem hafa stutt okkur á leiðinni. Þið hafið gert þessi ár ógleymanleg,“ segja þau og bæta við: „Takk fyrir okkur – af öllu hjarta.“
Nýjast
-
„Við erum óendanlega þakklát fyrir þessi ár“
„Þetta hafa verið ótrúlega viðburðarík skemmtileg og góð ár sem vissulega hefur verið gríðarlega mikil vinna,“ segja þau Ingibjörg Stella Bjarnadóttir og Erik Jensen, eigendur B. Jensen. Nú standa þau á tímamótum, þar sem þau hafa selt fyrirtækið til Kjarnafæðis Norðlenska, sem er í eigu Kaupfélags Skagfirðinga. Það hefur tekið við rekstri fyrirtækisins: sláturhúsi, kjötvinnslu og versluninni við Lónsbakka, þar sem allur reksturinn hefur alltaf verið til húsa. -
Rúnar Steingrímsson og Ragnar Sverrisson kjörnir heiðursfélagar Þórs
Íþróttafélagið Þór varð 110 ára á dögunum og í tilefni þess var boðið í samsætis i Hamri félagsheimili Þórsara. Við það tilefni voru tveir eðal Þórsarar, þeir Rúnar Steingrímsson og Ragnar Sverrisson útnefndir sem heiðursfélagar. Við sama tilefni var fjöldi Þórsara sæmdur gull-, silfur- og bronsmerki félagsins. -
Réttlæti næst ekki með ranglæti
Í umræðum á Alþingi spurði ég hæstvirtan dómsmálaráðherra, Þorbjörgu Sigríði Gunnlaugsdóttur einfaldrar, en mikilvægrar spurningar: Telur hún sem dómsmálaráðherra að það standist stjórnarskrá að skerða áunnin réttindi tugþúsunda sjóðfélaga í lífeyrissjóðum? Þetta eru réttindi sem fólk hefur unnið sér inn með áratugalangri þátttöku í atvinnulífinu – réttindi sem njóta verndar samkvæmt 72. gr. stjórnarskrárinnar. -
Friðar og samstöðustund með íbúum á Gasa á Ráðhústorgi i dag
Í dag kl 16:15 verður á Ráðhústorgi á Akurreyri friðar og samstöðustund með íbúum á Gasa. Það eru frænkur tvær sem fyrir þessum viðburði standa en þær eiga afmæli í dag og vilja láta gott af sér leiða í tilefni dagsins. -
Mitt á milli nálægðar og endalausrar fjarlægðar
Listaverkið Mitt á milli nálægðar og endalausrar fjarlægðar eftir Kristinn E. Hrafnsson hefur verið hreinsað og lagað en verkið hefur staðið við inngang fiskvinnsluhúss Útgerðarfélags Akureyringa í þrjátíu ár og var farið að láta á sjá. -
Súlur 2025 eru komnar út
Ársrit Sögufélags Eyfirðinga er komið út og færir alls 12 greinar er varða ýmist fortíð eða nútíð. -
Skemmtileg hefð
Þann 10. júní síðastliðinn komu skemmtiferðaskipin Emerald Princess (Princess Cruises) og Viking Vela (Viking Ocean Cruises) í sínar fyrstu heimsóknir til Akureyrar. -
Bíladagar eru að hefjast á Akureyri
Bíladagar á Akureyri hefjast á morgun, föstudaginn 13. júní. Öll formleg dagskrá fer fram á aksturssvæði Bílaklúbbs Akureyrar við Hlíðarfjallsveg, fyrir utan bílasýninguna 17. júní í Boganum. -
Fundað með forsætisráðherra um stöðu Norðurlands eystra
Sveitarstjórar sveitarfélaga innan SSNE og framkvæmdastjóri samtakanna áttu í morgun fund með Kristrúnu Frostadóttur forsætisráðherra, þar sem þau lýstu áhyggjum af stöðu flutningskerfis raforku á svæðinu. Fundurinn var haldinn að frumvæði sveitarfélaganna sem vilja tryggja að raforkuinnviðir hamli ekki áframhaldandi atvinnuuppbyggingu á Norðurlandi eystra.
