Við ætlum að leggja okkar að mörkum
Óðinn Svan Óðinsson oddviti L-listans og formaður bæjarráðs, Sunna Hlín Jóhannesdóttir oddviti Framsóknar á Akureyri og varaformaður bæjarráðs og Berglind Ósk Guðmundsdóttir oddviti Sjálfstæðisflokksins og bæjarstjóri
Nýr framsækinn meirihluti tók við hér á Akureyri í vor. Meirihluti sem ætlar að sinna samfélagslegri ábyrgð. Í samræmi við málefnasamning meirihlutans er lögð áhersla á ábyrga fjármálastjórn og virka þátttöku í því verkefni að vinna gegn verðbólgu og vöxtum hefur verið lagður fram aðgerðapakki í nokkrum liðum sem samþykktur var af öllum fulltrúum í bæjarráði.
Laun kjörinna fulltrúa fryst
Í fyrsta lagi var ákveðið að frysta fyrirhugaða hækkun launa kjörinna fulltrúa og bæjarstjóra. Sú hækkun hefði að óbreyttu tekið gildi 1. júlí en laun kjörinna fulltrúa hjá Akureyrarbæ hækka tvisvar á ári miðað við launavísitölu. Nú þegar hafa laun bæjarstjóra lækkað um 13,4%, auk þess að spara laun eins bæjarfulltrúa sem nemur um 5,5 milljónum króna á ári. Með þessu sýnum við í verki að ábyrg fjármálastjórn hefst hjá kjörnum fulltrúum.
Verjum hag fjölskyldna og atvinnulífs
Í öðru lagi er stefnt að því að halda gjaldskrám er snúa að þjónustu við fjölskyldur sem mest óbreyttum í fjárhagsáætlunargerð að því gefnu að forsendur í efnahagsumhverfinu breytist ekki. Jafnframt verður skoðað svigrúm til lækkunar á álagningarprósentu fasteignagjalda, með sérstakri áherslu á atvinnuhúsnæði sem mun sæta mestu hækkununum í kjölfar nýs fasteignamats Húsnæðis- og mannvirkjastofnunar.
Í þriðja lagi hefur verið ákveðið að fresta innheimtu gatnagerðargjalda frá lóðarúthlutun þar til byggingarleyfi er gefið út. Með því er komið til móts við byggingaraðila, sem þurfa oft að leggja fram verulegt fjármagn strax við úthlutun lóða. Markmiðið er að létta á fjármögnunarþörf þeirra í núverandi hávaxtaumhverfi og draga úr hættu á að uppbygging íbúða hægist eða stöðvist.
Þetta er samvinnuverkefni okkar allra
Með þessum aðgerðum eru send skýr skilaboð um að ákvarðanir í rekstri taki mið af því sameiginlega markmiði að draga úr verðbólgu og lækka vexti. Jafnframt er mikilvægt að standa vörð um stöðugleika á vinnumarkaði og að allir leggist á eitt til að tryggja að kjarnasamningar haldi í haust. Sveitarfélög gegna mikilvægu hlutverki með því að sýna hófsemi við ákvörðun gjaldskráa og sýna í verki að þau séu reiðubúin að leggja sitt af mörkum til að styrkja forsendur farsælla kjarasamninga og stöðugs efnahagsumhverfis. Við munum ekki láta okkar eftir liggja þegar kemur að því að rækja það hlutverk okkar.
Óðinn Svan Óðinsson oddviti L-listans og formaður bæjarráðs, Sunna Hlín Jóhannesdóttir oddviti Framsóknar á Akureyri og varaformaður bæjarráðs og Berglind Ósk Guðmundsdóttir oddviti Sjálfstæðisflokksins og bæjarstjóri.
Nýjast
-
Kristjana Stefáns og Svavar Knútur blása í gamlar glæður
Hið margrómaða músíkalska par, Kristjana Stefáns tónskáld og söngkona og Svavar Knútur söngvaskáld, blása til tvennra tónleika í júní til að fagna fimmtán ára afmæli þeirra fyrstu dúettaplötu, sem bar nafnið „Glæður“ og kom út 2011. -
Við ætlum að leggja okkar að mörkum
Nýr framsækinn meirihluti tók við hér á Akureyri í vor. Meirihluti sem ætlar að sinna samfélagslegri ábyrgð. Í samræmi við málefnasamning meirihlutans er lögð áhersla á ábyrga fjármálastjórn og virka þátttöku í því verkefni að vinna gegn verðbólgu og vöxtum hefur verið lagður fram aðgerðapakki í nokkrum liðum sem samþykktur var af öllum fulltrúum í bæjarráði. -
DANSIBALL Í GÖNGUGÖTUNNI!!!
Listasumar 2026 byrjar með alvöru stuði í dag, fimmtudag kl. 20, þegar Magni og Erna Hrönn stíga á svið ásamt hljómsveit og breyta Göngugötunni á Akureyri í dansgólf. -
Helgi Már Hafþórsson vann 6 titla í berboga og langboga á Íslandsmeistaramótinu og á nú öll Íslandsmetin
Keppendur frá ÍF Akri komu sáu og sigruðu á Íslandsmeistaramótinu í bogfimi utandyra en mótið fór fram í Fagralundi Kópavogi um s.l. helgi. -
Sálin tekin úr skólunum
Ræða Karls Frímannssonar, skólameistara Menntaskólans á Akureyri, við útskrift skólans 17. júní sl. hefur vakið mikla athygli. Þar lýsti Karl stöðu framhaldsskólanna af mikilli hreinskilni um leið og hann fullyrti að málefni framhaldsskóla hafi verið vanrækt um langt skeið, framtíðarsýn stjórnvalda sé óskýr og aðgerðaleysi hafi lengi einkennt málaflokkinn. Þegar skólameistari eins af elstu og virtustu framhaldsskólum landsins talar svo skýrt, þá eigum við að hlusta vel. -
Gilið lokað vegna malbikunarvinnu
Kaupvangsstræti (Listagilið) verður lokað bæði á fimmtudag og föstudag vegna fræsingar á götu og malbikunarvinnu á kaflanum milli Glerárgötu og Oddeyrargötu. Kaupvangsstræti lokað að Oddeyrargötu ( Gilið): Dags: 25.06. kl. 9-19 - Heilrfræsing Dags: 26.06. kl. 9-19 – Malbikun Meðfylgjandi er lokunarkort af framkvæmdasvæðinu. -
Mikilvægur áfangi fyrir eldri ökumenn
Við þinglok 2026 náðist mikilvægur áfangi í réttindabaráttu eldra fólks þegar Alþingi samþykkti einróma frumvarp Nönnu M. Gunnlaugsdóttur og meðflutningsmanna hennar um breytingar á gildistíma ökuskírteina eldri ökumanna. Með lagabreytingunni er komið til móts við kröfur sem eldri borgarar hafa lengi sett fram um sanngjarnari og nútímalegri reglur um endurnýjun ökuskírteina. -
Hvalaráðstefnan í 11. sinn á Húsavík
Hvalaráðstefnan 2026 verður haldinn í dag, fimmtudaginn 25. júní -
Háskólahátíð fór fram 19. og 20. júní
Háskólahátíð — brautskráning kandídata frá Háskólanum á Akureyri fór fram í fjórum athöfnum í Hátíðarsal Háskólans á Akureyri 19. og 20. júní. Aldrei hafa fleiri kandídatar brautskráðst frá háskólanum. Samtals brautskráðust 639 kandídatar í grunn- og framhaldsnámi af tveimur fræðasviðum sem er um 8% aukning frá fyrra ári.
